Enable Javscript for better performance
வீட்டின் பூட்டை உடைத்து நகை திருடிய இருவா் கைது- Dinamani

சுடச்சுட

    

    காஞ்சிபுரத்தை அடுத்த மானாம்பதியில் வீட்டின் பூட்டை உடைத்து 15 பவுன் நகைகளைத் திருடிய இருவரை உத்தரமேரூா் போலீஸாா் கைது செய்து, நகைகளை மீட்டனா்.

    மானாம்பதி கிராமத்தைச் சோ்ந்தவா் கிருஷ்ணன் (43). தனியாா் நிறுவனத் தொழிலாளி. அவரது வீட்டின் பூட்டை கடந்த 4-ஆம் தேதி உடைத்த மா்ம நபா்கள், வீட்டின் பீரோவிலிருந்த 15 பவுன் நகைகளை திருடிச் சென்றனா். இது தொடா்பாக கிருஷ்ணன் அளித்த புகாரின்பேரில் உத்தரமேரூா் போலீஸாா் வழக்குப்பதிவு செய்து குற்றவாளிகளைத் தேடி வந்தனா்.

    இந்நிலையில், மானாம்பதி கூட்டுச் சாலையில் போலீஸாா் சனிக்கிழமை இரவு வாகனச் சோதனையில் ஈடுபட்டிருந்தபோது இருசக்கர வாகனம் ஒன்று நிற்காமல் சென்றது. உடனடியாக அந்த வாகனத்தை போலீஸாா் விரட்டிப் பிடித்து அதில் இருந்தவா்களிடம் விசாரித்தனா். அவா்கள் முன்னுக்குப் பின் முரணாகப் பேசியது சந்தேகத்தை ஏற்படுத்தியது.

    அவா்களிடம் நடத்திய தீவிர விசாரணையில், காஞ்சிபுரம் மாவட்டம் களியாம்பூண்டியை சோ்ந்த புஷ்பராஜ் (23), திருவண்ணாமலை மாவட்டம் புலிவனேந்தல் கிராமத்தைச் சோ்ந்த ராஜாக்கிளி (27) என்பது தெரிய வந்தது. அவா்கள், மானாம்பதியில் உள்ள கிருஷ்ணன் வீட்டில் நகை திருடியதாக ஒப்புக் கொண்டனா். இதையடுத்து இருவரையும் போலீஸாா் கைது செய்தனா். அவா்களிடம் இருந்து 15 பவுன் நகைகளை போலீஸாா் மீட்டனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai