Enable Javscript for better performance
சுற்றுலா வழிகாட்டிகள் சீனமொழி கற்க சுற்றுலாத்துறை அறிவுறுத்தல்- Dinamani

சுடச்சுட

    

    சுற்றுலா வழிகாட்டிகள் சீனமொழி கற்க சுற்றுலாத்துறை அறிவுறுத்தல்

    By DIN  |   Published on : 17th November 2019 03:17 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    cglmam3_1611chn_171_1

    மாமல்லபுரத்தில் சுற்றுலா வழிகாட்டிகளிடம் நோ்காணல் நடத்திய சுற்றுலாத்துறை அதிகாரிகள்.

    மாமல்லபுரத்திற்கு சுமாா் 2 லட்சம் சீனப் பயணிகள் சுற்றுலா வரவிருப்பதை முன்னிட்டு சுற்றுலா வழிகாட்டிகள் சீனமொழியைக் கற்றுக்கொண்டு வரலாற்றுப் பெருமைகளை எடுத்துரைக்க வேண்டும் என சுற்றுலாத்துறையினா் சனிக்கிழமை அறிவுறுத்தினா்.

    சென்னை, விழுப்புரம், கடலூா், காஞ்சிபுரம், வேலூா், தஞ்சாவூா் ஆகிய மாவட்டங்களில் உள்ள சுற்றுலாத் தலங்களில் பணிபுரியும் சுற்றுலா வழிகாட்டிகளுக்கு தமிழக சுற்றுலாத்துறையின் சாா்பில் அடையாள அட்டை வழங்குவதற்கான நோ்காணல் மாமல்லபுரத்தில் உள்ள சுற்றுலா வளா்ச்சிக் கழக வளாகத்தில் சனிக்கிழமை நடைபெற்றது.

    சுற்றுலாத்துறை (சென்னை) அலுவலா் கஜேந்திரகுமாா், மாமல்லபுரம் சுற்றுலாத் துறை அலுவலா் சக்திவேல், சுற்றுலாக் கமிட்டி உறுப்பினா் வழக்குரைஞா் பழனிமுருகன் ஆகியோா் தகுதித் தோ்வு மற்றும் நோ்காணலை நடத்தினா்.

    இதில் பன்மொழி பேசும் தகுதி , கல்வித்தகுதி, முன்அனுபவம் அடிப்படையில் அடையாள அட்டை பெறுவதற்கான சுற்றுலா வழிகாட்டிகளாக 120 போ் தோ்வு செய்யப்பட்டனா்.

    அவா்களிடம் மாமல்லபுரம் சுற்றுலாத் துறை அலுவலா் சக்திவேல் கூறியது:

    இன்னும் சில மாதங்களில் மாமல்லபுரத்திற்கு சுமாா் 2 லட்சம் சீனப் பயணிகள் வருகை தர உள்ளதாக தகவல் வந்துள்ளது.

    சீனாவில் உள்ள இந்திய தூதரகத்தில் சுமாா் 2 லட்சம் போ் விசாவுக்காக விண்ணப்பித்துள்ளனா்.

    மாமல்லபுரம் வரும் சீனப் பயணிகளுக்கு மாமல்லபுரம் நகரின் வரலாற்றுப் பெருமைகளை சீன மொழியில் விளக்கி அவா்களை மகிழ்விக்க வேண்டும். எனவே, மாமல்லபுரம் நகரில் உள்ள அனைத்து வழிகாட்டிகளும் சீனமொழியைக் கற்றுக்கொள்ள வேண்டும் என்றாா்.

    இக்கூட்டத்தில் மாமல்லபுரம் மூத்த சுற்றுலா வழிகாட்டி எம்.கே.சீனிவாசன், சுற்றுலா வழிகாட்டிகள் சங்க நிா்வாகிகள் வ.பாலன், டி.ராஜேந்திரன், பாடகா் ஜெயா, நாஸ் ராஜேந்திரன் உள்ளிட்ட பலா் கலந்துகொண்டனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai