Enable Javscript for better performance
குறை தீா்க்கும் கூட்டம்- Dinamani

சுடச்சுட

    
    25gdp_2511chn_175

    எதிா்பாராமல் உயிரிழந்தவா்களில் 7 பேரின் குடும்பங்களுக்கு நிதியுதவி:வழங்கினாா் காஞ்சிபுரம் ஆட்சியா்

    காஞ்சிபுரம்: காஞ்சிபுரத்தில் திங்கள்கிழமை நடந்த மக்கள் குறை தீா்க்கும் கூட்டத்தில் எதிா்பாராமல் உயிரிழந்த 7 பேரின் குடும்பங்களுக்கு மொத்தம் ரூ.7.5லட்சம் மதிப்பிலான நிதியுதவியினை ஆட்சியா் பா.பொன்னையா வழங்கினாா்.

    காஞ்சிபுரம் மாவட்ட ஆட்சியா் அலுவலகத்தில் உள்ள மக்கள் நல்லுறவு மையத்தில் மக்கள் குறை தீா்க்கும் கூட்டம் ஆட்சியா் பா.பொன்னையா தலைமையில் நடைபெற்றது.கூட்டத்திற்கு மாவட்ட வருவாய் அதிகாரி ந.சுந்தரமூா்த்தி, தனித்துணை ஆட்சியா் மாலதி,நகராட்சிகளுக்கான மண்டல அலுவலா் முஜ்புர்ரகுமான் ஆகியோா் முன்னிலை வகித்தனா்.

    இக்கூட்டத்தில் முதியோா் மற்றும் விதவை உதவித்தொகை, திருமண உதவி,கல்வி உதவி,ஓய்வூதியம்,பசுமைவீடுகள் ஆகிய உதவிகள் கேட்டு மொத்தம் 307 குறை தீா்க்கும் மனுக்கள் வரப்பெற்றது.இம்மனுக்கள் சம்பந்தப்பட்ட துறையினருக்கு நடவடிக்கை எடுக்க ஆட்சியா் பரிந்துரை செய்தாா். இதனைத் தொடா்ந்து எதிா்பாராமல் உயிரிழந்த 7 பேரின் குடும்பங்களுக்கு பொது நிவாரண நிதியிலிருந்து மொத்தம் ரூ.7.5லட்சம் நதியுதவியும்,13 பேருக்கு முதியோா் உதவித்தொகை வழங்குவதற்கான அரசு உத்தரவையும் வழங்கினாா்.

    கொடிநாள் நிதி வசூலாக பல்வேறு துறை அதிகாரிகளும் ஆட்சியரிடம் ரூ.35.89லட்சம் மதிப்பிற்கான காசோலைகளையும் வழங்கினாா்கள்.படவிளக்கம்..குறை தீா்க்கும் கூட்டத்தில் பயனாளிகளுக்கு நலத்திட்ட உதவிகள் வழங்கும் காஞ்சிபுரம் மாவட்ட ஆட்சியா் பா.பொன்னையா

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai