காஞ்சிபுரம்: பழமையும்,பெருமையும் மிக்க காஞ்சிபுரம் மாவட்டத்தை தமிழகத்தின் 2 வது சிறிய மாவட்டமாக மாற்றியதைக் கண்டித்து காஞ்சிபுரம் வா்த்தக சங்கம் சாா்பில் நாளை புதன்கிழமை கடையடைப்பு நடத்துவதாக அச்சங்கத்தின் தலைவா் எஸ்.திருநாவுக்கரசு திங்கள்கிழமை தெரிவித்தாா்.
காஞ்சிபுரம் மாவட்டத்தை பிரித்து அதன் எல்லைகளை சிறிதாக்கியது மற்றும் புதிய பேருந்து நிலையம் அமையும் இடம் தோ்வு குறித்து கருத்துக் கேட்புக் கூட்டம் நகா் வா்த்தக சங்கத்தின் சாா்பில் அச்சங்க அலுவலகத்தில் நடைபெற்றது.
இக்கூட்டத்துக்கு சங்கத்தின் செயலா் வி.சண்முகம், பொருளாளா் ஜி.தண்டபாணி ஆகியோா் முன்னிலை வகித்தனா். முன்னாள் தலைவா் மணிவண்ணன் வரவேற்று பேசினாா்.கூட்டத்தில் சங்கத்தின் தலைவா் எஸ்.திருநாவுக்கரசு பேசியது.பழமையும்,பெருமையும் மிக்க மாவட்டமாகவும், தமிழகத்திலேயே மிகப்பெரிய மாவட்டமாகவும் இருந்த காஞ்சிபுரத்தை இரண்டாகப் பிரித்து அதன் எல்லைகளையும் சுருக்கி இருப்பது அதிா்ச்சியளிக்கிறது.
மாவட்டத்தைப் பிரித்து வருவாய் தரக்கூடிய அனைத்து இடங்களையும் செங்கல்பட்டு மாவட்டத்துக்கு கொடுக்கப்பட்டிருப்பதில் வியாபாரிகளுக்கு உடன்பாடில்லை. மாவட்ட தலைநகரமாக இருந்த நிலையிலும் காஞ்சிபுரம் மாவட்டத்துக்கு முதன்மை நீதிமன்றம் இல்லாமல் போராட்டங்கள் நடத்தியே பிறகே வந்தது.தொடா்ந்து காஞ்சிபுரம் மாவட்டம் புறக்கணிக்கப்பட்டே வந்துள்ளது. தற்போது மக்களின் நலனுக்காகவோ அல்லது நிா்வாக வசதிக்காகவோ மாவட்டத்தைப் பிரிக்காமல் எல்லைகளைப் பிரித்திருப்பது காஞ்சிபுரத்தின் எதிா்காலத்தைப் பெருமளவு பாதிக்கும்.எந்த வளா்ச்சியும் இல்லாமல் போய் விடும்.
இதனை எதிா்க்கவில்லையெனில் இளைய தலைமுறை வருங்காலத்தில் நம்மை பழிக்கும் என்பதால் மாவட்டத்தைப் பிரித்து எல்லைகளை சுருக்கியதை மறுபரிசீலனை செய்ய அரசை வலியுறுத்துகிறோம். காஞ்சிபுரத்தில் உள்ள புதிய பேருந்து நிலையத்தை கீழ்க்கதிா்ப்பூா் என்ற இடத்தில் அமைக்கப்படுவதால் பொதுமக்களுக்கு எந்த பலனும் இல்லை.
ஏனெனில் தேசிய நெடுஞ்சாலைப் பகுதியில் இருந்தால் அவ்வழியாக செல்லும் அனைத்துப் பேருந்துகளும் காஞ்சிபுரத்தில் நின்று செல்லும்.எனவே வா்த்தகா்கள்,பொதுமக்களுக்கு பயன்படும்படி புதியதாக அமையவுள்ள பேருந்து நிலையத்தை தேசிய நெடுஞ்சாலைப் பகுதியில் அமைக்க வேண்டும். இவ்விரு கோரிக்கைகளையும் வலியுறுத்தி காஞ்சிபுரம் வா்த்தக சங்கம் சாா்பில் நாளை புதன்கிழமை கடையடைப்பு செய்ய முடிவு செய்திருக்கிறோம்.அனைத்து அரசியல்கட்சிகள், அனைத்து வா்த்தக அமைப்புகள் ஆகியனவற்றின் உதவியோடு கடையடைப்பு நடத்தப்படும் எனவும் எஸ்.திருநாவுக்கரசு தெரிவித்தாா்.
இக்கருத்துக் கேட்புக் கூட்டத்தில் அனைத்து விவசாயிகள் சங்க மாநிலத் துணைத் தலைவா் கே.எழிலரசன், வணிகா்கள் சங்க பேரமைப்பு மாநிலத் துணைத் தலைவா் வெள்ளைச்சாமி,நெல் அரிசி வியாபாரிகள் சங்கத் தலைவா் பூபாலன்,சம்பத், அடகு வியாபாரிகள் சங்க தலைவா் ஏ.கேசவா்சந்த், கட்டட தொழிலாளா் சங்க தலைவா் சி.குப்புச்சாமி, பட்டாசு வியாபாரிகள் சங்கத் தலைவா் மோகன்லால், மருந்து வணிகா்கள் சங்கத்தின் தலைவா் மோகன்லால், வழக்குரைஞா் சங்க நிா்வாகி காா்த்திகேயன், ஜவுளிக்கடை சத்திரம் வியாபாரிகள் சங்க தலைவா் ப.சண்முகம் ஆகியோரும் கலந்து கொண்டு கடையப்புக்கு ஆதரவு தெரிவிப்பதாக பேசினாா்கள்.படம்-எஸ்.திருநாவுக்கரசு(தலைவா்)