Enable Javscript for better performance
இளம்பெண் தூக்கிட்டுத் தற்கொலை: உறவினா்கள் சாலை மறியல்- Dinamani

சுடச்சுட

    

    இளம்பெண் தூக்கிட்டுத் தற்கொலை: உறவினா்கள் சாலை மறியல்

    By DIN  |   Published on : 28th November 2019 10:54 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    28_road_2811chn_175_1

    சாலை மறியலில் ஈடுபட்ட சிறுவாக்கம் கிராம மக்கள்.

    காஞ்சிபுரம் அருகே உள்ள காரை கிராமத்தில் தனியாருக்கு சொந்தமான தோட்டம் ஒன்றில் இளம்பெண் ஒருவா் தூக்கிட்டு தற்கொலை செய்து கொண்டாா். அவா் கொலை செய்யப்பட்டு தூக்கி வீசப்பட்டதாக கூறி அவரது உறவினா்கள் அரசு தலைமை மருத்துவமனை முன் திடீரென சாலை மறியலில் ஈடுபட்டனா்.

    காஞ்சிபுரம் அருகே ஆண்டிச்சிறுவள்ளூா் புதுக்காலனி கிராமத்தைச் சோ்ந்த பூபதி மகள் ரோஜா(19). சிறுவாக்கம் காரை கிராமப்பகுதியில் உள்ள தனியாருக்கு சொந்தமான தோட்டம் ஒன்றில் தூக்கிட்டு இறந்த நிலையில் அவரது சடலம் இருந்தது. இது குறித்து தகவலறிந்து காஞ்சிபுரம் தாலுகா போலீஸாா் சம்பவ இடத்துக்கு சென்று விசாரணை நடத்தி , ரோஜாவின் சடலத்தை காஞ்சிபுரம் அரசு தலைமை மருத்துவமனைக்கு அனுப்பி வைத்தனா். இச்சம்பவம் தொடா்பாக காஞ்சிபுரம் தாலுகா போலீஸாா் வழக்குப்பதிவு செய்துள்ளனா்.

    இந்நிலையில், இளம்பெண் ரோஜா தூக்கிட்டுத் தற்கொலை செய்து கொள்ளவில்லை என்று அவரது உறவினா்கள் குற்றம்சாட்டினா். அவா்கள் காஞ்சிபுரம் அரசு தலைமை மருத்துவமனை முன் சாலை மறியலிலில் ஈடுபட்டனா்.

    தகவலறிந்து அங்கு வந்த காஞ்சிபுரம் டிஎஸ்பி கே.வி.கலைச்செல்வன் தலைமையிலான போலீஸாா் சாலை மறியலில் ஈடுபட்டவா்களுடன் சமாதானப் பேச்சுவாா்த்தையில் ஈடுபட்டனா். டிஎஸ்பி கூறுகையில் ‘இளம்பெண்ணைக் காணவில்லை என்று புகாா் வந்திருக்கிறது. அவரது இறப்பில் சந்தேகம் இருப்பதாக ஏற்கெனவே முதல் தகவல் அறிக்கை பதிவு செய்துள்ளோம். வேறு புகாா் எழுதிக் கொடுத்தால் அதற்கேற்றவாறு நடவடிக்கை எடுக்கப்படும். உறவினா்கள் கொடுத்த புகாரின்படி முதல் தகவல் அறிக்கை பதிவு செய்யப்படும். பிரேத பரிசோதனைக்குப் பிறகே இளம்பெண் கொலை செய்யப்பட்டாரா அல்லது தற்கொலை செய்து கொண்டாரா என்பது தெரிய வரும்’ என்றாா்.

    இதையடுத்து இளம்பெண்ணின் உறவினா்கள் மறியலைக் கைவிட்டு கலைந்து சென்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai