காஞ்சிபுரம் அருகே சிறுகாவேரிப் பாக்கம் ஜெகதீஸ்வரி மாரியம்மன் கோயில் வளாகத்தில் அமைக்கப்பட்டுள்ள மகாகாளி கோயிலில் வரும் 11- ஆம் தேதி மகா கும்பாபிஷேகம் நடைபெறவுள்ளது.
சிறுகாவேரிப் பாக்கம் ஜெ.ஜெ.நகரில் ரூ.10 லட்சம் மதிப்பில் 27 அடி உயரத்தில் மகா காளியம்மன் சிலை அமைக்கப்பட்டுள்ளது.
இக்கோயில் கும்பாபிஷேகத்திற்கான யாகசாலை பூஜைகள் வரும் 9 -ஆம் தேதி தொடங்குகின்றன.
தொடர்ந்து, 11-ஆம் தேதி காலை கும்பாபிஷேகம் நடைபெறுகிறது. இதனையடுத்து அம்மனுக்கு சிறப்பு தீபாராதனைகளும், அன்னதானமும், இரவு உற்சவர் அம்மன் திருவீதியுலாவும் நடைபெறுகிறது. விழாவிற்கான ஏற்பாடுகளை ஜி.ஜெயதேவ் சுவாமிகள் தலைமையிலான விழாக்குழுவினர் மற்றும் சிறுகாவேரிப்பாக்கம் ஜெ.ஜெ.நகர் பகுதி பொதுமக்கள் செய்து வருகின்றனர்.