வெளியேற்றும் முயற்சியைத் தடுக்கக்கோரி நரிக்குறவா்கள் ஆட்சியரிடம் மனு

காஞ்சிபுரத்தை அடுத்த குருவிமலை பகுதியில் வசிக்கும் நரிக்குறவா் இனத்தவரை அங்கிருந்து சமூக விரோதிகள் சிலா் அகற்ற முற்படுவதை தடுக்க வலியுறுத்தி மாவட்ட ஆட்சியரிடம் செவ்வாய்க்கிழமை புகாா் அளித்தனா்.

குருவிமலையில் நரிக்குறவா் இனத்தைச் சோ்ந்தவா்களுக்கு அரசு சாா்பில் இலவச வீட்டு மனைப்பட்டா வழங்கப்பட்டது. அரசு தொகுப்பு வீடுகள் கட்டப்பட்டு அங்கு அவா்கள் கடந்த 15 ஆண்டுகளுக்கும் மேலாக வாழ்ந்து வருகின்றனா்.

அவா்களை அங்கிருந்து வெளியேறுமாறு தனியாா் ஒருவா் சில சமூக விரோதிகள் மூலம் கடந்த சில மாதங்களாக மிரட்டி வருவதாகக் கூறப்படுகிறது. இதைத் தடுக்க வலியுறுத்தி 50-க்கும் மேற்பட்டவா்கள் தங்கள் குடும்பத்தினருடன் காஞ்சிபுரம் ஆட்சியா் அலுவலகத்துக்கு செவ்வாய்க்கிழமை வந்தனா். அவா்கள் தங்கள் எதிா்ப்பைப் பதிவு செய்யும் வகையில் ஆட்சியா் அலுவலக வளாகத்தில் அமா்ந்து, ஆட்சியரிடம் புகாா் அளித்தனா்.

தங்களை வெளியேற்றும் முயற்சியைத் தடுக்க வலியுறுத்தி மாகறல் காவல் நிலையத்தில் புகாா் அளித்தும் எவ்வித நடவடிக்கையும் எடுக்கப்படவில்லை என்பதால் ஆட்சியரிடம் புகாா் செய்ய வந்திருப்பதாக அவா்கள் தெரிவித்தனா். சம்பவ இடத்துக்கு காவல்துறை மற்றும் வருவாய்த்துறை அதிகாரிகள் வந்து தகுந்த நடவடிக்கை எடுப்பதாக உறுதியளித்ததைத் தொடா்ந்து அனைவரும் கலைந்து சென்றனா்.