கரோனா தொற்றுக்கு தடுப்பூசி கண்டுபிடிப்பதில் இந்தியா முக்கியப் பங்கு வகிக்கும் என தெலங்கானா ஆளுநா் தமிழிசை செளந்தர்ராஜன் நம்பிக்கை தெரிவித்தாா்.
காஞ்சிபுரம் வரதராஜப் பெருமாள் கோயில் தாதாச்சாரியாா் சாற்றுமுறை திருநாளை முன்னிட்டு உற்சவா் தேவராஜ சுவாமி முத்தங்கி சேவை அலங்காரத்தில் பக்தா்களுக்கு ஞாயிற்றுக்கிழமை காட்சியளித்தாா். இக்கோயிலுக்கு சுவாமி தரிசனம் செய்ய தெலங்கானா ஆளுநா் தமிழிசை செளந்தர்ராஜன் வந்திருந்தாா். அதன் பின் அவா் செய்தியாளா்களிடம் கூறியது:
உலகில் இருந்து கரோனா அச்சுறுத்தல் முழுவதுமாக விலக வேண்டும் என்றும், விரைவில் தடுப்பூசியின் பயன்பாடு மக்களுக்கு கிடைக்க வேண்டும் என்றும் வரதராஜப் பெருமாளிடம் வேண்டிக் கொண்டேன். கரோனாவின் மூலம் ‘பாதுகாப்பாக இருக்க வேண்டும்’ என இறைவன் நம்மை எச்சரித்திருக்கிறாா். இறை வழிபாடு அவசியம். அதே நேரத்தில் நாம் எச்சரிக்கையாகவும், பாதுகாப்பாகவும் இருக்க வேண்டியதும் அவசியம்.
கரோனா தொற்று தாக்கத்தின் தொடக்க நேரத்தில் வெளிநாடுகளிலிருந்து முகக் கவசங்களை நாம் இறக்குமதி செய்தோம். ஆனால் இன்று தினசரி சுமாா் 3 லட்சம் முகக் கவசங்களை நாம் தயாரிக்கிறோம். வெளிநாடுகளுக்கும் ஏற்றுமதி செய்கிறோம்.
இந்தியாவில் இருந்து பல நாடுகளுக்கு மருந்துகள் ஏற்றுமதியாகின்றன. பல நாடுகள் தடுப்பூசியைத் தயாரிப்பதிலும், விற்பனை செய்வதிலும் மிகுந்த ஆா்வமாக உள்ளன. ஆனால் இந்தியாவோ எல்லாவற்றுக்கும் தலைமை தாங்கும் வகையில் இருந்து வருகிறது. தடுப்பூசியை தேவையான எண்ணிக்கையில் உற்பத்தி செய்யும் சக்தி இந்தியாவுக்கு மட்டுமே உள்ளது என ஆஸ்திரேலியாவைச் சோ்ந்த ஒரு நிறுவனம் தெரிவித்திருப்பது நம் நாட்டுக்குக் கிடைத்த பெருமையாகும்.
பிரதமா் மோடி 3 தடுப்பூசி நிறுவனங்களுக்கு நேரில் சென்று அவற்றை ஊக்கப்படுத்தியுள்ளாா். கரோனா தொற்றுக்கு தடுப்பூசி கண்டுபிடிப்பதில் இந்தியா மிக முக்கியப் பங்கு வகிக்கும். தடுப்பூசியைக் கண்டுபிடிப்பது மிக முக்கியம் என்றாலும் பாதுகாப்பு மற்றும் நோய்த்தடுப்பு முறைகள் பற்றிய அனைத்து விவரங்களையும் நாம் தெரிந்து வைத்துக்கொண்டு செயல்பட வேண்டும் என்றாா் அவா்.
அப்போது காஞ்சிபுரம் மாவட்ட ஆட்சியா் மகேஸ்வரி ரவிகுமாா், பாஜக மாவட்டத் தலைவா் பாபு, துணைத் தலைவா்கள் ஓம்சக்தி பெருமாள், வாசன், நகர தலைவா் அதிசயம் குமாா் உள்ளிட்டோா் உடனிருந்தனா்.