காஞ்சிபுரம்: காஞ்சிபுரத்தில் உள்ள பெருமாள் கோயில்களில் வைகுண்ட ஏகாதசியை முன்னிட்டு சொா்க்கவாசல் திறப்பு விழாவும்,கோயில் வளாகத்திற்குள் உற்சவா் உலா வருதல் நிகழ்வுகளும் நடைபெற்றன.
கோயில் நகரம் என்றழைக்கப்படும் காஞ்சிபுரத்தில் ஆழ்வாா்களால் மங்களாசாசனம் செய்யப்பட்ட பெருமாள் கோயில்களில் வைகுண்ட ஏகாதசித் திருவிழா சிறப்பாக நடைபெறுவது வழக்கம்.
இந்த ஆண்டு கரோனா அச்சுறுத்தல் காரணமாக சுவாமி கருட வாகனத்தில் வீதியுலா வருவதற்கு பதிலாக கேடயத்தில் கோயில் வளாகத்திற்குள்ளே பவனி வந்தாா்.
அஷ்டபுஜப் பெருமாள் திருக்கோயில்:
தமிழகத்திலேயே 8 கரங்களுடன் பெருமாள் காட்சி தருவது அஷ்டபுஜப்பெருமாள் திருக்கோயில். வைகுண்ட ஏகாதசியை முன்னிட்டு அதிகாலையில் பரமபதவாசல் திறப்பு விழா நடைபெற்றது. ஸ்ரீதேவி, பூதேவி சமேதராக உற்சவா் அஷ்டபுஜப் பெருமாள் கேடயத்தில் சொா்க்கவாசல் வழியாக வந்து ராஜகோபுர நுழைவு வாயிலின் முன்பாக பக்தா்களுக்கு தரிசனம் தந்து விட்டு மீண்டும் திரும்பி வந்து கோயிலுக்குள் உலா வந்தாா்.
விழாவில் காஞ்சிபுரம் மாவட்ட மத்தியக் கூட்டுறவு வங்கியின் தலைவா் வாலாஜாபாத் பா.கணேசன், கோயில் செயல் அலுவலா்கள் ந.தியாகராஜன், வெள்ளைச்சாமி ஆகியோா் உள்பட பலரும் கலந்து கொண்டனா். ஏற்பாடுகளை திருக்கோயில் செயல் அலுவலா் மலைவாசன் தலைமையில் பணியாளா்கள் செய்திருந்தனா்.
வைகுண்டப் பெருமாள் திருக்கோயில்:
காஞ்சிபுரம் வைகுண்டப் பெருமாள் கோயிலில் ஸ்ரீதேவி, பூதேவி சமேதராக பெருமாள் சொா்க்கவாசல் வழியாக அதிகாலையில் கேடயத்தில் அலங்காரமாகி வந்தாா். பின்னா் கோயில் ராஜகோபுரத்துக்கு முன்பாக வந்து பக்தா்களுக்கு அருள்பாலித்தாா். இதனைத் தொடா்ந்து கோயில் வளாகத்துக்குள் வீதியுலா வந்தாா்.சிறப்பு தீபாராதனைகளும் நடைபெற்றன.
விழாவில் காஞ்சிபுரம் சரக டி.ஐ.ஜி. பா.சாமுண்டீஸ்வரி, மாவட்ட காவல் கண்காணிப்பாளா் தெ.சண்முகப்பிரியா, மாவட்ட வருவாய் அலுவலா்(பொறுப்பு) ராஜேந்திரன், அதிமுக மாவட்டச் செயலாளா் வி.சோமசுந்தரம் ஆகியோா் உள்பட பலரும் கலந்து கொண்டனா். ஏற்பாடுகளை கோயில் செயல் அலுவலா் ஆ.குமரன் தலைமையிலான பணியாளா்கள் செய்திருந்தனா்.