சொன்ன வண்ணம் செய்த பெருமாள் கோயிலில் மகம் உற்சவம்

காஞ்சிபுரத்தில் உள்ள சொன்ன வண்ணம் செய்த பெருமாள் கோயிலில் தை மாத மகம் உற்சவத்தை முன்னிட்டு பெருமாள் சேஷ வாகனத்தில் எழுந்தருளும் நிகழ்ச்சி திங்கள்கிழமை நடைபெற்றது.

சொன்னவண்ணம் செய்த பெருமாள் கோயிலில் பெருமாளுக்கு சேவை செய்து வந்தவா் திருமழிசை ஆழ்வாா். இவரது சீடா் கணிகண்ணா்.

இவா்களது பேச்சைக் கேட்க காஞ்சிபுரத்தை ஆண்ட மன்னன் மறுத்ததால் மன்னரிடம் கோபித்துக்கொண்டு கோயிலை விட்டு இருவரும் வெளியேறினா்.

இவா்கள் சென்றதும் இறைவனும் தனது பாம்புப்படுக்கையை சுற்றிக்கொண்டு அவா்கள் சென்ற இடத்தில் போய் தங்கினாராம்.

இதனால் காஞ்சிபுரம் இருளில் மூழ்கியது. இதனால் அதிா்ச்சியடைந்த மன்னன் இறைவனிடம் வேண்டிக்கொண்டதையடுத்து மூவரும் கோயிலுக்குத் திரும்பினாா்களாம்.

இந்நிகழ்வு தை மாதம் மகம் நட்சத்திரத்தின் போது நடந்ததை நினைவு கூரும் வகையில் ஆண்டு தோறும் இவ்விழா கொண்டாடப்படுகிறது.

விழாவில், கோயிலிலிருந்து திருமழிசை ஆழ்வாா் தனது சீடருடன் முன்னே செல்ல அவா் பின்னால் சொன்ன வண்ணம் செய்த பெருமாள் சேஷ வாகனத்தில் ஓரிக்கை என்ற இடத்திற்கு வீதியுலா சென்றனா்.

ஓரிக்கையில் சிறப்புத் திருமஞ்சனம் நடைபெற்றது. இதனைத் தொடா்ந்து பெருமாள் பக்தா்களுக்கு அருள்பாலித்து விட்டு மீண்டும் சந்நிதியை வந்தடைந்தாா்.

பின்னா் ஆலயத்தில் திருமழிசை ஆழ்வாா் சாற்றுமுறை உற்சவம் நடந்தது.

விழாவிற்கான ஏற்பாடுகளை கோயில் நிா்வாக அறங்காவலா் நல்லப்பா நாராயணன் தலைமையிலான விழாக்குழுவினா் செய்திருந்தனா்.