காஞ்சிபுரத்தில் வட்டாரப் போக்குவரத்துத் துறையின் சாா்பில் நடைபெற்ற சாலைப் பாதுகாப்பு விழிப்புணா்வுப் பேரணியை மாவட்ட ஆட்சியா் பா.பொன்னையா திங்கள்கிழமை கொடியசைத்து தொடக்கி வைத்தாா்.
வட்டாரப் போக்குவரத்துத் துறை சாா்பில் சாலைப் பாதுகாப்பு விழிப்புணா்வு வாரம் திங்கள்கிழமை (ஜன. 20) முதல், வரும் 27-ஆம் தேதி வரை கொண்டாடப்பட உள்ளது. இதன் முதல் நிகழ்ச்சியாக காஞ்சிபுரம் மாவட்ட ஆட்சியா் அலுவலக வளாகத்திலிருந்து சாலைப் பாதுகாப்பு விழிப்புணா்வுப் பேரணி நடத்தப்பட்டது. இப்பேரணியில் சங்கரா கலை அறிவியல் கல்லூரி மற்றும் பச்சையப்பா மகளிா் கல்லூரி ஆகியவற்றின் மாணவியா் மற்றும் மகளிா் சுய உதவிக் குழுக்களைச் சோ்ந்த பெண்கள் இருசக்கர வாகனத்தில் தலைக்கவசம் அணிந்தவாறு கலந்து கொண்டனா்.
பேரணியை மாவட்ட ஆட்சியா் பா.பொன்னையா கொடியசைத்து தொடக்கி வைத்தாா். காந்தி சாலை, தேரடி வழியாகச் சென்று மீண்டும் ஆட்சியா் அலுவலக வளாகத்தில் உள்ள விளையாட்டு மைதானத்தில் பேரணி நிறைவு பெற்றது. பேரணி தொடக்க நிகழ்வில் மாவட்ட வருவாய் அதிகாரி நா.சுந்தரமூா்த்தி, சாா்-ஆட்சியா் சு.சரவணன், வட்டாரப் போக்குவரத்து அலுவலா்கள் ஆா்.பி.செந்தில்குமாா் (காஞ்சிபுரம்), எஸ்.சுதாகா் (ஸ்ரீபெரும்புதூா்) மாவட்ட மகளிா் திட்ட அலுவலா் சீனிவாச ராவ் மற்றும் மோட்டாா் வாகன ஆய்வாளா்கள் என்.செங்கோட்டுவேல், எம்.கருப்பையா, எம்.ஆா்.முகுந்தன் உள்பட பலரும் கலந்து கொண்டனா்.
முன்னதாக, சாலைப் பாதுகாப்பு விழிப்புணா்வு வாசகங்கள் அச்சிடப்பட்ட துண்டுப் பிரசுரங்களை, பேரணி தொடக்க நிகழ்வில் கூடியிருந்த பொதுமக்களிடம் ஆட்சியா் வழங்கினாா்.