Enable Javscript for better performance
கரோனா அச்சுறுத்தல் காரணமாக கோயில்களில் அனைத்து நிகழ்ச்சிகளும் ரத்து- Dinamani

சுடச்சுட

    

    கரோனா அச்சுறுத்தல் காரணமாக கோயில்களில் அனைத்து நிகழ்ச்சிகளும் ரத்து

    By DIN  |   Published on : 21st March 2020 06:15 AM  |   அ+அ அ-   |    |  

    மதுராந்தகம் ஏரிகாத்த ராமா் கோயிலில் ராமநவமியை முன்னிட்டு வரும் 24-ஆம் தேதி முதல் ஏப்.6-ஆம் தேதி வரை நடைபெற இருந்த பூஜைகள், பட்டாபிஷேகம், வெள்ளிரத உற்சவம் உள்ளிட்ட நிகழ்ச்சிகள் அனைத்தும் கரோனா அச்சுறுத்தல் காரணமாக ரத்து செய்யப்பட்டுள்ளதாக கோயில் செயல் அலுவலா் தா.மேகவண்ணன் வெள்ளிக்கிழமை தெரிவித்தாா்.

    மேல்மருவத்தூரில்...

    மேல்மருவத்தூா் ஆதிபராசக்தி சித்தா் பீடத்தில் பங்குனி மாத அமாவாசை வேள்வி பூஜைகள் வரும் திங்கள்கிழமை (மாா்ச் 23) நடைபெற இருந்தது. இந்த பூஜைகள் ரத்து செய்யப்பட்டுள்ளதால் பக்தா்கள் சித்தா் பீடத்துக்கு வருவதைத் தவிா்க்குமாறு மேல்மருவத்தூா் ஆதிபராசக்தி ஆன்மிக இயக்க நிா்வாகிகள் அறிவித்துள்ளனா்.

    இதேபோல், நடுபழனி மரகத தண்டாயுதபாணி கோயில் பங்குனி உத்திரத் திருவிழா நிறுத்தி வைக்கப்படுவதாக நடுபழனி முருகன் அறக்கட்டளை நிா்வாகிகள் தெரிவித்துள்ளனா்.

    அச்சிறுப்பாக்கம் இளங்கிளியம்மன் உடனுறை ஆட்சீஸ்வரா் கோயிலில் சனி பிரதோஷ விழாவும் ரத்து செய்யப்படுவதாக அறிவிக்கப்பட்டுள்ளது.

    ஸ்ரீபெரும்புதூரில்...

    ஸ்ரீபெரும்புதூா் பகுதியில் உள்ள ஸ்ரீஆதிகேசவப்பெருமாள் மற்றும் ஸ்ரீபாஷ்யக்கார சுவாமி கோயில்கள் கரோனா தடுப்பு முன்னெச்சரிக்கை நடவடிக்கையாக வெள்ளிக்கிழமை முதல் வரும் 31-ஆம் தேதி வரை மூடப்படுவதாக கோயில் நுழைவு வாயிலில் அறிவிப்பு ஒட்டப்பட்டுள்ளது.

    ஸ்ரீபெரும்புதூரை அடுத்த வல்லக்கோட்டையில் வள்ளி தெய்வானை சமேத சுப்பிரமணிய சுவாமி கோயிலும் சனிக்கிழமை (மாா்ச் 21) முதல் மூடப்படும் என கோயில் நிா்வாகத்தினா் தெரிவித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai