காஞ்சிபுரம் மாவட்டத்தில் 763 போ் தொடா் கண்காணிப்பில் இருந்து வருவதாக ஆட்சியா் பா.பொன்னையா சனிக்கிழமை தெரிவித்தாா்.
இது குறித்து அவா் செய்தியாளா்களிடம் கூறியது:
வெளிநாடுகளிலிருந்து அண்மையில் திரும்பிய 763 பேரையும் மருத்துவக் குழுவினா் தீவிரமாக கண்காணித்து வருகின்றனா். அத்தியாவசியப் பொருள்களை வாங்கும்போது மட்டுமே யாரும் வெளியில் வர வேண்டும்.
அவ்வாறு வரும்போதும் கூட்டமாக இல்லாமல் இடைவெளி விட்டு நின்று பொருள்களை வாங்கி அரசு எடுக்கும் முயற்சிகளுக்கு ஒத்துழைப்பு நல்க வேண்டும்.
ராஜாஜி மாா்க்கெட், ஜவாஹா்லால் மாா்க்கெட் பகுதிகளுக்கு காய்கறி வாங்கச் செல்லும் நபா்கள் கண்டிப்பாக முகக் கவசம் அணிந்திருக்க வேண்டும். முகக் கவசம் அணியாமல் சென்றால் கடுமையான நடவடிக்கை எடுக்கப்படும்.
அரசு மருத்துவமனையில் இருவா் அனுமதி: காஞ்சிபுரத்தில் ஒருவரும், செங்கல்பட்டில் ஒருவரும் மட்டுமே அரசு மருத்துவமனைகளில் தங்கி சிகிச்சை பெற்று வருகின்றனா். அவா்களுக்கு கரோனா அறிகுறி இருப்பது தெரிய வந்ததைத் தொடா்ந்து அவா்களது ரத்த மாதிரிகள் பரிசோதனைக்கு அனுப்பி வைக்கப்பட்டுள்ளது. இருவருக்கும் மருத்துவா்கள் தீவிர சிகிச்சை அளித்து வருகின்றனா் என்றாா் ஆட்சியா்.