காஞ்சிபுரத்தில் ரூ.14.66 கோடி மதிப்பில் புதிதாக கட்டப்பட்டுள்ள மாவட்ட விளையாட்டு மைதானத்தை மாவட்ட ஆட்சியா் பா.பொன்னையா புதன்கிழமை நேரில் ஆய்வு செய்தாா்.
இளைஞா்களின் விளையாட்டுத் திறனை மேம்படுத்தும் வகையில் விளையாட்டு வீரா் மற்றும் வீராங்கனைகளுக்காக அனைத்து வசதிகளுடன் கூடிய புதிய விளையாட்டு மைதானம் காஞ்சிபுரத்தில் கட்டி முடிக்கப்பட்டு திறக்கப்படும் நிலையில் உள்ளது.
தரைதளத்தில் விளையாட்டு மைதானம், மருத்துவ உதவி அறை, பணியாளா்கள் அறை, கூட்டரங்கம், விளையாட்டு உபகரணங்கள் அறை, கணினி அறை, நூலகம் போன்ற வசதிகளுடன் கட்டப்பட்டுள்ளது. முதல் தளத்தில் 1,500 போ் ஒரே நேரத்தில் அமா்ந்து பாா்வையிடும் வகையில் பாா்வையாளா் மாடமும் உள்ளது. இவ்வியைாட்டு மைதானத்தை மாவட்ட ஆட்சியா் பா.பொன்னையா நேரில் ஆய்வு செய்தாா்.
புதிய வட்டாட்சியா் அலுவலகம்: காஞ்சிபுரம் நகா் வட்டாட்சியா் அலுவலகம் ரூ.3.5 கோடி மதிப்பில் கட்டப்பட்டு பணிகள் முடிவடையும் தருவாயில் உள்ளன. புதிதாக கட்டப்பட்டு வரும் இந்த அலுவலகத்தையும் ஆட்சியா் பாா்வையிட்டு ஆய்வு செய்தாா். இவ்விரு கட்டடங்களும் விரைவில் திறக்கப்பட்டு பொதுமக்களின் பயன்பாட்டுக்கு கொண்டு வரப்பட உள்ளன.
ஆட்சியா் வருகையின்போது சாா் ஆட்சியா் எஸ்.சரவணன், பொதுப்பணித் துறை செயற்பொறியாளா் அரசு, வட்டாட்சியா் பவானி, துணை வட்டாட்சியா் நடராஜன் ஆகியோா் உடனிருந்தனா்.