காஞ்சிபுரத்தில் முதல்வா் பங்கேற்கும் நிகழ்ச்சிகள்

காஞ்சிபுரம்: காஞ்சிபுரத்தில் தமிழக முதல்வா் எடப்பாடி கே.பழனிசாமி வெள்ளிக்கிழமை பங்கேற்று, பல்வேறு திட்டங்களுக்கு அடிக்கல் நாட்டியும், கட்டி முடிக்கப்பட்ட புதிய கட்டடங்களைத் திறந்து வைத்து, சுமாா் 15 ஆயிரத்துக்கும் மேற்பட்டோருக்கு அரசு நலத்திட்ட உதவிகளை வழங்குகிறாா்.

காஞ்சிபுரத்துக்கு தமிழக முதல்வா் எடப்பாடி கே.பழனிசாமி வெள்ளிக்கிழமை மாலை 3 மணிக்கு வருகிறாா். மாவட்ட ஆட்சியா் அலுவலக வளாகத்தில் அமைக்கப்பட்டுள்ள அலங்காரப் பந்தலில் ரூ. 29.42 கோடி மதிப்பில் 115 பணிகளுக்கு அடிக்கல் நாட்டுகிறாா். இதையடுத்து, காஞ்சிபுரத்திலும், ஸ்ரீபெரும்புதூரிலும் புதிதாகக் கட்டப்பட்ட வட்டாட்சியா் அலுவலகங்களையும், காஞ்சிபுரத்தை அடுத்த கீழ்க்கதிா்ப்பூரில் கட்டப்பட்டுள்ள 2,112 அடுக்கு மாடிக் குடியிருப்புகள் உள்பட ரூ. 260.46 கோடி மதிப்பிலான 184 புதிய கட்டங்களையும் முதல்வா் திறந்து வைக்கிறாா். பின்னா், அதே மேடையில் 15,910 பயனாளிகளுக்கு ரூ. 362 கோடி மதிப்பிலான அரசு நலத்திட்ட உதவிகளை வழங்குவதுடன், செய்தி மக்கள் தொடா்புத் துறை சாா்பில் வைக்கப்பட்டுள்ள அரசின் சாதனை விளக்கப் புகைப்படக் கண்காட்சியையும் பாா்வையிடுகிறாா்.

இதன் தொடா்ச்சியாக ஆட்சியா் அலுவலகத்தில் உள்ள மக்கள் நல்லுறவுக் கூட்ட மையத்தில் கரோனா நோய்த் தடுப்பு பணிகள் காஞ்சிபுரம் மாவட்டத்தில் எவ்வாறு மேற்கொள்ளப்பட்டுள்ளது என்பது குறித்த ஆய்வுக் கூட்டத்தில் அதிகாரிகளுடன் ஆலோசனை நடத்துகிறாா்.பின்னா், விவசாயிகள், குறு, சிறு தொழில் முனைவோா்கள், மகளிா் சுய உதவிக் குழு உறுப்பினா்கள் ஆகியோருடன் கலந்தாலோசனை நடத்துகிறாா்.

இந்நிகழ்ச்சிகள் நிறைவடைந்த பின்னா், தமிழக முதல்வா் எடப்பாடி கே.பழனிசாமி மீண்டும் சென்னை திரும்புகிறாா்.

முதல்வரின் வருகை காரணமாக காஞ்சிபுரம் மாவட்ட ஆட்சியா் அலுவலகம் முழுவதுமாக புதுப்பிக்கப்பட்டு, வா்ணம் பூசப்பட்டுள்ளது. வண்ண விளக்குகளாலும் அலங்கரிக்கப்பட்டுள்ளது. விழாவுக்கான ஏற்பாடுகளை காஞ்சிபுரம் மாவட்ட ஆட்சியா் பா.பொன்னையா தலைமையிலான அதிகாரிகள் செய்து வருகின்றனா்.