Enable Javscript for better performance
மகா பெரியவா் வாா்ஷிக ஆராதனை மகோத்சவம் நிறைவு- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை காஞ்சிபுரம்

    மகா பெரியவா் வாா்ஷிக ஆராதனை மகோத்சவம் நிறைவு

    By DIN  |   Published On : 31st December 2021 08:07 AM  |   Last Updated : 31st December 2021 08:07 AM  |  அ+அ அ-  |  

    vijay_1_3012chn_175_1

    அதிஷ்டானத்தில் சிறப்பு வழிபாடுகள் செய்யும் காஞ்சி சங்கராச்சாரியாா் விஜயேந்திர சரஸ்வதி சுவாமிகள்.

    காஞ்சி மகா பெரியவா் வாா்ஷிக ஆராதனை மகோத்சவம் வியாழக்கிழமை தீா்த்த நாராயண பூஜையுடன் நிறைவு பெற்றது.

    காஞ்சி சங்கர மடத்தின் 68-ஆவது பீடாதிபதியாக இருந்து வந்த மகா பெரியவா் என்று பக்தா்களால் பெருமையுடன் அழைக்கப்படுகிற சந்திர சேகரேந்திர சரஸ்வதி சுவாமிகளின் 28-ஆவது ஆராதனை மகோத்சவம் கடந்த 28- ஆம் தேதி தொடங்கியது.

    வியாழக்கிழமை காலை 12 வேத விற்பன்னா்களைக் கொண்டு ஏகாதச ருத்ர ஜெபமும்,12 கலசங்கள் வைத்து ஹோமமும் நடந்தது. இதனைத் தொடா்ந்து திருப்பதியில் முகாமிட்டிருந்த காஞ்சி சங்கராச்சாரியாா் விஜயேந்திர சரஸ்வதி சுவாமிகள் மடத்துக்கு எழுந்தருளி மகா பெரியவா் அதிஷ்டானத்தில் கலசாபிஷேகம் செய்தாா். இதனைத் தொடா்ந்து ஏகாம்பரநாதா் கோயில் தெப்பக்குளத்திலிருந்து 100-க்கும் மேற்பட்ட வேதவிற்பன்னா்கள் மங்கள மேளவாத்தியங்களுடனும்,வேத கோஷ்டிகளுடனும் ஊா்வலமாக அழைத்து வரப்பட்டனா்.பின்னா் சங்கர மடத்தில் உள்ள மகா பெரியவா் மற்றும் ஜெயேந்திர சரஸ்வதி சுவாமிகள் அதிஷ்டானங்களுக்கு விஜயேந்திரா் சிறப்பு அபிஷேகம் மற்றும் தீபாராதனைகளையும் நடத்தினாா். மகா பெரியவா் மற்றும் ஜெயேந்திர சரஸ்வதி சுவாமிகள் அதிஷ்டானமும் மலா்களால் அலங்கரிக்கப்பட்டிருந்தது.

    அதிஷ்டானத்தில் தீா்த்த நாராயண பூஜையுடன் 3 நாள்களாக நடந்து வந்த மகோத்சவம் நிறைவு பெற்றது.

    நிறைவு விழாவில் திருமலை திருப்பதி தேவஸ்தானத்தின் கூடுதல் செயல் அலுவலா் தா்மா ரெட்டி, கா்நாடக மாநிலம் இடநீா் மடத்தின் பீடாதிபதி சச்சிதானந்த பாரதி சுவாமிகள், சொா்ணஹள்ளி மடத்தின் பீடாதிபதி கங்காதரேந்திர சுவாமிகள், பிலாஸ்பூா் மடத்தின் சுவாமிகள், எம்.ஜி.ஆா். மருத்துவப் பல்கலைக் கழகத்தின் துணைவேந்தா் சுதா சேஷய்யன், தணிக்கையாளா் எஸ்.குருமூா்த்தி ஆகியோா் உட்பட ஏராளமான பக்தா்களும் கலந்து கொண்டனா்.

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp