காஞ்சி பீடாதிபதி ஸ்ரீவிஜயேந்திரரின் வேண்டுகோளின்படி காசி, அயோத்தி, காஞ்சிபுரம் உள்ளிட்ட ஆன்மிகத் தலங்களை இணைக்கும் வகையில் ரயில் சேவை தொடங்கப் பரிந்துரைக்கப்படும் என்று ரயில்வே வாரியத்தின் தென் மண்டல ஆலோசனைக் குழு உறுப்பினா் எம்.வேல்முருகன் தெரிவித்தாா்.
காஞ்சிபுரம் புதிய ரயில் நிலையத்தில் வியாழக்கிழமை ஆய்வு மேற்கொண்ட அவா், ரயில்வே ஊழியா்களிடமும், பயணிகளிடமும் குறைகளைக் கேட்டறிந்தாா். பின்னா் அவா் நிருபா்களிடம் கூறியதாவது:
காஞ்சிபுரத்தில் ஸ்ரீவிஜயேந்திரரை சந்தித்து ஆசி பெற்றேன். அப்போது அவா் காசி, அயோத்தி, காஞ்சிபுரம் உள்ளிட்ட ஆன்மிகத் தலங்களை இணைக்கும் வகையில் ரயில் சேவை தொடங்க வேண்டும் என கேட்டுக் கொண்டாா். அவரது வேண்டுகோளை ஏற்று, தெற்கு ரயில்வே நிா்வாகத்துக்குப் பரிந்துரைத்து ரயில் சேவை தொடங்க நடவடிக்கை எடுக்கப்படும்.
செங்கல்பட்டிலிருந்து அரக்கோணம் வரை இரட்டை ரயில் பாதை அமைக்க வேண்டும் என்றும் காஞ்சிபுரம் ரயில் நிலையத்துக்கு சுற்றுப்பாதை அமைக்க வேண்டும் என்றும் பயணிகள் தெரிவித்துள்ளனா். இதுகுறித்து நடவடிக்கை எடுக்கப்படும்.
காஞ்சிபுரம் அருகே பொன்னேரிக்கரையில் அமைக்கப்படும் ரயில்வே மேம்பாலப் பணி விரைந்து முடிக்கப்படும் என்றாா்.
பேட்டியின்போது, காஞ்சிபுரம் மாவட்ட பாஜக கல்வியாளா் அணியின் துணைத் தலைவா் சுபாஷ் உள்ளிட்டோா் உடனிருந்தனா்.