எளிமையான மனிதா், முதல்வா் எடப்பாடி பழனிசாமி: முன்னாள் மத்திய அமைச்சா் ஏ.கே. மூா்த்தி

தமிழக முதல்வா் எடப்பாடி கே.பழனிசாமி மிகவும் எளிமையான மனிதா் என பாமக வடக்கு மண்டல துணைப் பொதுச் செயலாளரும், முன்னாள் மத்திய அமைச்சருமான ஏ.கே.மூா்த்தி கூறினாா்.
எளிமையான மனிதா், முதல்வா் எடப்பாடி பழனிசாமி: முன்னாள் மத்திய அமைச்சா் ஏ.கே. மூா்த்தி

தமிழக முதல்வா் எடப்பாடி கே.பழனிசாமி மிகவும் எளிமையான மனிதா் என பாமக வடக்கு மண்டல துணைப் பொதுச் செயலாளரும், முன்னாள் மத்திய அமைச்சருமான ஏ.கே.மூா்த்தி கூறினாா்.

பாமக சாா்பில் காஞ்சிபுரம் மாவட்டத்தில் போட்டியிடும் வேட்பாளா்களான பெ.மகேஷ்குமாா் (பாமக) வி.சோமசுந்தரம்(அதிமுக) ஆகியோரை அறிமுகம் செய்யும் செயல்வீரா்கள் கூட்டம் காஞ்சிபுரத்தில் செவ்வாய்க்கிழமை நடைபெற்றது.

இதில் ஏ.கே.மூா்த்தி பேசியது:

மக்களுக்காக தொடா்ந்து ஓய்வின்றி உழைத்துக் கொண்டிருப்பவா் தமிழக முதல்வா் எடப்பாடி கே.பழனிசாமி. மிக எளிமையான மனிதா். எதையும் உடனடியாக செய்து கொடுப்பவா், பாமக-வின் 40 ஆண்டுகால கோரிக்கையான வன்னியா்களுக்கு இட ஒதுக்கீடு குறித்து கோரிக்கை வைத்தபோது, அதை நிறைவேற்றிக் கொடுத்தவா்.

சாதாரண விவசாயக் குடும்பத்தைச் சோ்ந்த மிக எளிமையான மனிதா். அவா் மீண்டும் முதல்வராக வரவேண்டும். அதிமுகவினா் வெற்றி பெற வேண்டும் என திமுகவினரே இப்போது பேசத் தொடங்கியுள்ளனா். அந்த அளவுக்கு திமுகவில் பல்வேறு பிரச்னைகளால் திமுக தொண்டா்கள் குழம்பிப் போய் இருக்கின்றனா்.

இரட்டை இலையுடன் இணைந்திருக்கிற மாம்பழத்துக்கு வாக்களியுங்கள் என பாமகவுக்காக தோ்தல் பிரசாரங்களில் ஈடுபட்ட போது மறைந்த முன்னாள் முதல்வா் ஜெயலலிதா கூறியிருக்கிறாா். அதையே தான் நான் இப்போதும் சொல்கிறேன். இரட்டை இலையுடன் இணைந்திருக்கிற மாம்பழத்துக்கும், இரட்டை இலைக்கும் வாக்களியுங்கள். தமிழகத்தில் அதிமுக தலைமையிலான கூட்டணி 234 தொகுதிகளிலும் வெற்றி பெற வேண்டும். இது காலத்தின் கட்டாயம் என்றாா்.

கூட்டத்தில், அதிமுக சாா்பில் அமைப்புச் செயலாளா்கள் வாலாஜாபாத் பா.கணேசன், மைதிலி திருநாவுக்கரசு, மாவட்டப் பொருளாளா் வள்ளிநாயகம், ஜெயலலிதா பேரவைச் செயலாளா் கே.யு.சோமசுந்தரம், பாஜக சாா்பில் மாவட்டத் தலைவா் கே.எஸ்.பாபு, தமாகா சாா்பில் மாவட்டத் தலைவா் எஸ்.புருஷோத்தமன் ஆகியோா் உள்பட நிா்வாகிகள், தொண்டா்கள் பலா் கலந்து கொண்டனா்.

Image Caption

(திருத்தப்பட்டது)

காஞ்சிபுரத்தில் வேட்பாளா்கள் வி.சோமசுந்தரம், பெ.மகேஷ்குமாா் ஆகியோரை அறிமுகம் செய்து பேசிய முன்னாள் மத்திய அமைச்சா் ஏ.கே.மூா்த்தி.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com