Enable Javscript for better performance
ஸ்ரீபெரும்புதூா் ஏரியின் மதகு சீரமைப்பு- Dinamani

சுடச்சுட

    

    ஸ்ரீபெரும்புதூா் ஏரியின் மதகு சீரமைப்பு

    By DIN  |   Published on : 22nd March 2021 01:46 AM  |   அ+அ அ-   |    |  

    21sbrlake_2103chn_180_1

    ஸ்ரீபெரும்புதூா்  ஏரியில்  உள்ள  மதகில்  மண் மூட்டைகள்  கொண்டு  உடைப்பை  சரிசெய்யும்  பொதுப்பணித் துறை  ஊழியா்கள்.

    ஸ்ரீபெரும்புதூா் ஏரியில் சமூக விரோதிகளால் சேதப்படுத்தப்பட்ட மதகை பொதுப்பணித் துறை அதிகாரிகள் மண் மூட்டைகளைக் கொண்டு சீரமைத்தனா்.

    காஞ்சிபுரம் மாவட்டத்தின் பெரிய ஏரிகளில் ஒன்றான ஸ்ரீபெரும்புதூா் ஏரி சுமாா் 800 ஏக்கா் பரப்பளவு கொண்டது. இதன் மூலம் ஸ்ரீபெரும்புதூா் அதன் சுற்றுவட்டார பகுதிகளில் தற்போதும் சுமாா் 400 ஏக்கா் பரப்பளவில் விவசாயம் நடைபெற்று வருகிறது.

    ஸ்ரீபெரும்புதூா் பகுதியின் முக்கிய நிலத்தடி நீா் ஆதாரமாக விளங்கி வரும் இந்த ஏரி, கடந்த ஆண்டு பெய்த வடகிழக்குப் பருவ மழையின்போது முழுகொள்ளவையும் எட்டியதால் இப்பகுதி பொதுமக்களும், விவசாயிகளும் மகிழ்ச்சியடைந்தனா்.

    இந்நிலையில், ஏரியின் முதல் மதகிற்கு சனிக்கிழமை இரவு வந்த மா்ம நபா்கள் சிலா், அங்கே அடுக்கி வைக்கப்பட்டிருந்த மண் மூட்டைகளை சேதப்படுத்தியதோடு அவற்றை ஏரியில் இருந்து அப்புறப்படுத்தியுள்ளனா். இதனால் ஏரிநீா் இரவு முழுவதும் வீணாக வெளியேறியது. இதுகுறித்து ஞாயிற்றுக்கிழமை காலை தகவல் அறிந்த விவசாய சங்கப் பிரதிநிதிகள் பொதுப்பணித் துறை அதிகாரிகளுக்குத் தகவல் தெரிவித்துள்ளனா்.

    இதையடுத்து சம்பவ இடத்திற்கு வந்த பொதுப்பணித் துறை ஊழியா்கள் புதிதாக மண் மூட்டைகள் அமைத்து மதகின் வழியாக ஏரிநீா் வெளியேறுவதைத் தடுத்தனா். மேலும் மதகை சேதப்படுத்தியவா்கள் குறித்து காவல் நிலையத்தில் புகாா் செய்ய பொதுப்பணித் துறை அதிகாரிகள் நடவடிக்கை எடுத்து வருகின்றனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp