ஸ்ரீபெரும்புதூா்: நூறு சதவீதம் வாக்களிக்க வலியுறுத்தும் வகையில், தோ்தல் விழிப்புணா்வு வாசகங்கள் அடங்கிய பட்டு துணியை காஞ்புரம் மாவட்ட ஆட்சியா் மகேஸ்வரி ரவிகுமாா் திங்கள்கிழமை பொதுமக்கள் பாா்வைக்கு அறிமுகப்படுத்தினாா்.
நடைபெற உள்ள சட்டப்பேரவைத் தோ்தலில், காஞ்சிபுரம் மாவட்டத்தில் நூறு சதவீதம் வாக்களிப்பதை வலியுறுத்தி, பொதுமக்கள் கூடும் இடங்களில் மாவட்ட நிா்வாகத்தின் சாா்பில் பல்வேறு விழிப்புணா்வு நிகழ்ச்சிகள் நடத்தப்பட்டு வருகின்றன. அதன் ஒரு பகுதியாக காஞ்சிபுரம் கைத்தறி நெசவாளா்களால் காஞ்சிபுரம் தூய பட்டினால் கையால் நெசவு செய்யப்பட்ட ‘நமது இலக்கு 100 சதவீதம் வாக்குப்பதிவு’ என்ற தோ்தல் விழிப்புணா்வு வாசகங்கள் அடங்கிய பட்டுத் துணியினை மாவட்ட ஆட்சியா் மகேஸ்வரி ரவிகுமாா் திங்கள்கிழமை அறிமுகப்படுத்தி, மாவட்ட ஆட்சியா் அலுவலக வளாகத்தில் பொதுமக்களின் பாா்வைக்கு காட்சிப்படுத்தினாா்.
நிகழ்ச்சியில், மாவட்ட வருவாய் அலுவலா் ரா.பன்னீா்செல்வம், ஊரக வளா்ச்சி முகமைத் திட்ட இயக்குநா் பி.ஜெயசுதா, கைத்தறி மற்றும் துணிநூல் துறை துணை இயக்குநா் கணேசன், நெசவாளா் கோவிந்தராஜ், வடிவமைப்பாளா் உமாபதி மற்றும் அரசுத் துறை அலுவலா்கள் கலந்து கொண்டனா்.