காஞ்சிபுரம்: காஞ்சிபுரத்தில் விரைவில் கரோனா நோயாளிகளுக்கான சித்த மருத்துவ சிகிச்சை மையம் தொடங்கப்பட இருப்பதாக தமிழக ஊரகத் தொழில் துறை அமைச்சா் தா.மோ.அன்பரசன் வியாழக்கிழமை தெரிவித்தாா்.
மாவட்ட ஆட்சியா் அலுவலகத்தில் மக்கள் நல்லுறவுக் கூட்ட மையத்தில் கரோனா தொற்று தடுப்பு நடவடிக்கைகள் தொடா்பான ஆய்வுக் கூட்டம் நடைபெற்றது.
இதில் பங்கேற்ற அமைச்சா் தா.மோ.அன்பரசன் பேசியது:
காஞ்சிபுரம் மாவட்டத்தில் 45 வயதிலிருந்து 60 வயது வரை உள்ளவா்கள் 3,29,024 போ் உள்ளனா். இவா்களில் 51,279 பேருக்கு தடுப்பூசி போடப்பட்டுள்ளது. தடுப்பூசி முகாம்களை அதிகப்படுத்திட முடிவு செய்யப்பட்டுள்ளது. கரோனா தொற்றின் முதல் அலையை விட 2-ஆவது அலையில் உயிரிழப்புகள் அதிகமாக உள்ளது. இதனை உணா்ந்து அனைவரும் தடுப்பூசி போட்டுக் கொள்ள முன்வர வேண்டும். தடுப்பூசி ஒன்றே உயிா்ச்சேதம் வராமல் பாதுகாக்கும். இயற்கை முறை கரோனா சிகிச்சை மையம் காஞ்சிபுரத்தை அடுத்த ஏனாத்தூரில் உள்ள மீனாட்சி மருத்துவமனை மருத்துவக் கல்லூரியில் விரைவில் தொடங்கப்படும். அதற்கான அனைத்து ஏற்பாடுகளும் நடந்து வருகின்றன.
தனியாா் மருத்துவமனைகளில் 50 சதவீத படுக்கைகளை அரசிடம் ஒப்படைக்க வேண்டும் எனக் கேட்டுக் கொள்ளப்பட்டுள்ளது. பொதுமக்கள் அனைவரும் ஆவி பிடிக்க வேண்டியது அவசியம். கரோனா தொற்று வராமலும், பரவாமலும் தடுக்க ஆவி பிடிப்பதே சிறந்த பலனைத் தரும். சீனாவில் ஆவி சிகிச்சை செய்தே கரோனா தொற்றை விரட்டியிருப்பதாக தகவல்கள் தெரிவிக்கின்றன.
மருத்துவமனைகளில் தற்காலிகமாக மருத்துவா்கள், செவிலியா்கள் நியமனங்களை முதல்வரிடம் பேசி விரைவில் நிரப்பப்படும். வீட்டு பாதுகாப்பில் இருக்கும் கரோனா நோயாளிகளை அவா்கள் வெளியில் வராமலிருக்க மிகவும் கவனமாக கண்காணிக்க வேண்டும் என அதிகாரிகளிடம் தெரிவிக்கப்பட்டுள்ளது என்றாா்.
கூட்டத்துக்கு, ஆட்சியா் மகேஸ்வரி ரவிகுமாா் தலைமை வகித்தாா். மாவட்டக் கண்காணிப்பு அலுவலா் எல்.சுப்பிரமணியன், காவல் துறை தலைவா் (பயிற்சி) சி.சாரங்கன், மாவட்ட காவல் கண்காணிப்பாளா் தெ.சண்முகப்பிரியா, எம்.பி. க.செல்வம், எம்எல்ஏ-க்கள் க.சுந்தா், சி.வி.எம்.பி.எழிலரசன், கு.செல்வப்பெருந்தகை உள்ளிட்டோா் கலந்து கொண்டனா்.
முன்னதாக, நடமாடும் கரோனா பரிசோதனைகள் செய்யும் வாகனங்களை அமைச்சா் கொடியசைத்துத் தொடக்கி வைத்தாா்.