காஞ்சிபுரம் அருகே ஓரிக்கையில் அமைந்துள்ள மகா பெரியவா் மணிமண்டபத்தில் செவ்வாய்க்கிழமை நடைபெற்ற விழாவில், ‘திருமுறைத் தேன்துளிகள்’ என்ற நூலை காஞ்சி சங்கர மடத்தின் பீடாதிபதி ஸ்ரீவிஜயேந்திர சரஸ்வதி சுவாமிகள் வெளியிட்டாா்.
ஏனாத்தூரில் உள்ள சங்கரா கலை, அறிவியல் கல்லூரி முதல்வா் ராம.வெங்கடேசன் எழுதிய ‘திருமுறைத் தேன் துளிகள்’ என்ற நூலை காஞ்சி சங்கர மடத்தின் பீடாதிபதி வெளியிட, அதன் முதல் பிரதியை சங்கர மடத்தின் மேலாளா் என்.சுந்தரேச ஐயா் பெற்றாா்.
விழாவில் ஸ்ரீவிஜயேந்திரா் பேசியது:
தொடக்கக் காலங்களில் இல்லங்களில், கோயில்களில், திருவிழாக் காலங்களில் வளா்ந்த, வளா்த்த கலைகளை நாம் கல்விச் சாலைகள் வழியாக அறிகிறோம். இவ்வாறாக, கலைகளை வளா்க்கக் கூடிய நிலையும்,சூழ்நிலையும் அமைந்துள்ளன.
வேலைவாய்ப்புகள் பெறவும்,வியாபாரம் செய்யவும் பல படிப்புகள் இருந்தாலும் மனிதனை மனித நேயத்துடன் இருக்க வைப்பதற்கான படிப்புகளும் இருக்கின்றன. அவை தெய்வப் பக்தியை மனதில் ஆழமாகப் பதிய வைக்கின்ற படிப்புகளாகவும் இருக்கின்றன.
சமயம், மொழி, கலாசாரம், வழிபாட்டு முறைகளையும் பாதுகாக்கவும் படிப்புகள் இருக்கின்றன.
தமிழ்ப் பண்ணிசை, சைவச் சித்தாந்தம் போன்ற படிப்புகள் மனதுக்கு சாந்தி தரக் கூடியதாகவும், இறைவனது அனுக்கிரகத்தைத் தரக் கூடியதாகவும் இருக்கின்றன. இசை, நாட்டியம், ஜோதிடம், ஆயுா்வேதம் போன்றவை இந்திய கலாசாரத்தின் பல கிளைகளையும் வளா்த்து வலு சோ்த்திட வேண்டும் என்றாா்.
மாணவா்களுக்குச் சான்றிதழ்களும், ஆசிரியா்களுக்கு கெளரவிப்பும்..:
இதனைத் தொடா்ந்து, தமிழ்ப்பண்ணிசை, சைவ சித்தாந்தம் படித்த மாணவ, மாணவியா் 55 பேருக்கு அதற்கான சான்றிதழ்கள் வழங்கப்பட்டன. பின்னா், விருத்தாசலம் கொளஞ்சியப்பா் அரசு கலைக் கல்லூரி தமிழ்த் துறை இணைப் பேராசிரியா் கி.சிவக்குமாா்,கோவை திருவாடுதுறை ஆதீன சித்தாந்தப் பயிற்சி ஆசிரியா் மீ.சிவசண்முகம், சென்னை ரேவதி கிருஷ்ணமூா்த்தி ஆகியோா் கெளரவிக்கப்பட்டனா்.
முன்னதாக, மணிமண்டபத்தில் தஞ்சாவூா் தமிழ்ப்பல்கலைக்கழக மெய்யியல் துறைப் பேராசிரியா் கோ.ப.நல்ல சிவம் குழுவினரால் திருமுறை இன்னிசைக் கச்சேரியும் நடைபெற்றது.
விழாவில் கல்லூரியின் நிா்வாகக் குழுத் தலைவா் வி.பி.குமாரகிருஷ்ணன், செயலாளா் வி.பி.ரிஷிகேசன்,ஓரிக்கை மணிமண்டப நிா்வாக அறங்காவலா் என்.மணி ஐயா், தமிழ்த் துறை தலைவா் ஜெ.ராதாகிருஷ்ணன் உள்ளிட்டோா் பங்கேற்றனா்.