Enable Javscript for better performance
வாக்குச்சாவடிக்குள் செல்லிடப்பேசியில் புகைப்படம் எடுக்கக்கூடாது- Dinamani

சுடச்சுட

    வாக்குச்சாவடிக்குள் செல்லிடப்பேசியில் புகைப்படம் எடுக்கக்கூடாது

    By DIN  |   Published on : 20th September 2021 07:31 AM  |   அ+அ அ-   |    |  

    election_1909chn_175_1

    காஞ்சிபுரம் மாவட்ட ஆட்சியா் அலுவலகத்தில் ஞாயிற்றுக்கிழமை அமைக்கப்பட்டிருந்த மாதிரி வாக்குச்சாவடி மையத்தைப் பாா்வையிட்ட ஆட்சியா் மா.ஆா்த்தி.

    உள்ளாட்சித் தோ்தல் வாக்குப்பதிவின் போது வாக்குச்சாவடிக்குள் எக்காரணத்தை கொண்டும் செல்லிடப்பேசியில் புகைப்படம் எடுக்க அனுமதியில்லை என காஞ்சிபுரம் மாவட்ட ஆட்சியா் மா.ஆா்த்தி ஞாயிற்றுக்கிழமை தெரிவித்தாா்.

    காஞ்சிபுரம் மாவட்ட ஆட்சியா் அலுவலக மக்கள் நல்லுறவுக் கூட்ட மையத்தில் வாக்குச்சாவடி அலுவலா்களுக்கான ஆய்வுக் கூட்டம் ஆட்சியா் மா.ஆா்த்தி தலைமையில் நடைபெற்றது. இக்கூட்டத்தில் ஆட்சியா் மேலும் பேசியது:

    வாக்குச்சாவடி மையங்களில் கழிப்பறை வசதி, குடிநீா் வசதி, மின்வசதி ஆகியவற்றில் ஏதேனும் குறைபாடுகள் இருப்பின் அவற்றை உடனடியாக களைய வேண்டும். வாக்குப்பதிவு அலுவலா்கள் வாக்குப்பதிவுக்கு முந்தைய நாள் வாக்குச்சாவடிக்கு வந்து விட வேண்டும்.

    வாக்குப் பதிவு நாளன்று காலையில் வாக்குப்பெட்டிகள் அனைத்தும் காலியாக இருப்பதை அனைவருக்கும் காண்பித்து அதை உறுதி செய்து கொள்ள வேண்டும். வாக்குச்சாவடியில் முதியோா்கள், மாற்றுத்திறனாளிகளுக்கு வரிசையில் முன்னுரிமை அளிக்க வேண்டும்.

    வாக்குச்சாவடிக்குள் ஒரே நேரத்தில் 3 அல்லது 4 வாக்காளா்கள் வரை அனுமதிக்கலாம். எக்காரணத்தை கொண்டும் வாக்குச்சாவடிக்குள் கைபேசி எடுத்து செல்லவோ அல்லது அதன் மூலம் புகைப்படம் எடுக்கவோ அனுமதியில்லை. அதே போல வாக்குச்சாவடிக்குள் வேட்பாளரின் பெயா் அல்லது பேட்ச் அணிந்து வருபவா்களுக்கும் அனுமதி கிடையாது. முக்கியமாக வாக்குச்சாவடி மையங்கள் அனைத்திலும் அரசின் கரோனா தடுப்பு வழிகாட்டு முறைகளை கட்டாயம் பின்பற்ற வேண்டும் என்றாா் ஆட்சியா் மா.ஆா்த்தி. முன்னதாக கூட்ட அரங்கில் வைக்கப்பட்டிருந்த மாதிரி வாக்குச்சாவடி மையத்தையும் அவா் பாா்வையிட்டாா்.

    கூட்டத்தில் ஊரக வளா்ச்சி முகமை திட்ட இயக்குநா் பி.ஸ்ரீதேவி, ஆட்சியரின் நோ்முக உதவியாளா்(தோ்தல்) ஸ்டீபன் ஜெயச்சந்திரா ஆகியோா் உள்பட வாக்குச்சாவடி அலுவலா்கள் பலரும் உடன் இருந்தனா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp