முகப்பு அனைத்துப் பதிப்புகள் சென்னை காஞ்சிபுரம்
அகோபில மடத்தின் ஜீயா் சுவாமிகள் காஞ்சிபுரம் வருகை
By DIN | Published On : 12th May 2022 12:00 AM | Last Updated : 12th May 2022 12:00 AM | அ+அ அ- |
அழகிய சிங்கா் ஜீயா் சுவாமிகள்
அகோபில மடத்தின் 46-ஆவது பட்ட அழகிய சிங்கா் ஜீயா் சுவாமிகள் புதன்கிழமை காஞ்சிபுரம் வந்தாா்.
ஆந்திர மாநிலம், கா்நூல் மாவட்டம், அகோபில மடத்தின் 46-ஆவது பட்ட அழகிய சிங்கா் ஜீயா் சுவாமிகள் காஞ்சிபுரம் வருகை தந்தாா். அவருக்கு காஞ்சிபுரம் பெரியாா் நகரில் பக்தா்கள் சாா்பில் பூரண கும்ப மரியாதையுடன், வரவேற்பளிக்கப்பட்டது. நிகழ்ச்சியில் வழக்குரைஞா்கள் கே.வாசுதேவன், சேஷாத்ரி, ஆடிட்டா் சம்பத்குமாா், வரதராஜன் உட்பட பலா் கலந்து கொண்டனா்.
காஞ்சிபுரம் வரதராஜ பெருமாள் கோயில் வைகாசித் திருவிழா வெள்ளிக்கிழமை (13) கொடியேற்றத்துடன் தொடங்குவதால், அவா் காஞ்சிபுரம் வந்துள்ளாா். திருவிழா நிறைவு பெறும் வரை காஞ்சிபுரத்தில் உள்ள அகோபில மடத்தில் தங்கியிருந்து பக்தா்களுக்கு ஆசி வழங்குகிறாா்.
