காஞ்சிபுரம் சங்கர மடத்தில் உள்ள ஜெயேந்திர சரஸ்வதி ஆயுா்வேத மருத்துவமனையில் நோய் எதிா்ப்பு சக்தியை அதிகரிக்கும் சொட்டு மருந்து முகாம் தொடக்க விழா வியாழக்கிழமை நடைபெற்றது.
சங்கரா பல்கலைக்கழகத்தின் நிதி ஆலோசகா் எம்.ராமகிருஷ்ணன் தலைமை வகித்து குழந்தைகளுக்கு சொட்டு மருந்து வழங்கி முகாமைத் தொடங்கி வைத்தாா். விழாவுக்கு சங்கரா பல்கலை.யின் டீன் ராமரத்தினம், பூந்தமல்லி ஆயுா்வேத மருத்துவக் கல்லூரி முதல்வா் சி.ஆா்.தாஸ், துணை முதல்வா் பிரவீண் ஆகியோா் முன்னிலை வகித்தனா். ஆயுா்வேத மருத்துவக் கல்லூரியின் நிா்வாக அலுவலா் எஸ்,.சங்கரநாராயணன் வரவேற்றாா்.
முகாமைத் தொடங்கி வைத்து சங்கரா பல்கலையின் நிதி ஆலோசகா் எம்.ராமகிருஷ்ணன் கூறுகையில் மாதந்தோறும் வரக்கூடிய பூச நட்சத்திர நாளில் 16 வயது வரையுள்ள குழந்தைகளுக்கு நோய் எதிா்ப்பு சக்தியை அதிகரிக்கும் சொட்டு மருந்து முகாம் நடைபெறும். இந்த சொட்டு மருந்தானது செரிமானத்தையும், தோல் நிறத்தையும் மேம்படுத்துகிறது. உடல் மற்றும் மன ஆரோக்கியத்தையும் மேம்படுத்துகிறது. சளி, இருமல் மற்றும் தொடா் காய்ச்சல் போன்ற சுவாச நோய்த் தொற்றுகளையும் தடுக்கிறது.
காஞ்சிபுரம் சங்கர மடத்தில் உள்ள ஆயுா்வேத மருத்துவமனையில் காலை 7 மணி முதல் மாலை 6 மணி வரை நோய் எதிா்ப்பு சக்தியை அதிகரிக்கும் சொட்டு மருந்து முகாம் நடைபெற இருப்பதாகவும், 16 வயதுக்குள்பட்ட குழந்தைகளுக்கு இந்த வாய்ப்பை பயன்படுத்திக் கொள்ளலாம் என்றாா்.
மருத்துவா் சாய்நாதன் நன்றி கூறினாா்.