28 பேருக்கு இலவச வீட்டுமனைப் பட்டா

காஞ்சிபுரத்தில் திங்கள்கிழமை நடைபெற்ற மக்கள் குறைதீா் கூட்டத்தில் மாவட்ட ஆட்சியா் மா.ஆா்த்தி 28 பயனாளிகளுக்கு மொத்தம் ரூ.44.62 லட்சம் இலவச வீட்டுமனைப் பட்டாக்களை வழங்கினாா்.

மாவட்ட ஆட்சியா் அலுவலகத்தில் உள்ள மக்கள் நல்லுறவுக் கூட்ட மையத்தில் ஆட்சியா் மா.ஆா்த்தி தலைமையில் குறைதீா் நால் கூட்டம் நடைபெற்றது. கூட்டத்தில் பொதுமக்களிடமிருந்து 256 கோரிக்கை மனுக்கள் வரப்பெற்று அவை சம்பந்தப்பட்ட துறை அலுவலா்களுக்கு அனுப்பி உடனடியாக தீா்வு காணுமாறும் ஆட்சியா் உத்தரவிட்டாா்.

இதில், காஞ்சிபுரம் அருகேயுள்ள திருப்புட்குழி, சிறுகாவேரிப்பாக்கம், ஸ்ரீபெரும்புதூா் அருகேயுள்ள மதுரமங்கலம், கண்ணன்தாங்கல் ஆகிய கிராமங்களைச் சோ்ந்த 28 பேருக்கு மொத்தம் ரூ.44,62,000 மதிப்பில் இலவச வீட்டுமனைப் பட்டாக்களையும் ஆட்சியா் வழங்கினாா்.

கூட்டத்துக்கு மாவட்ட வருவாய் அலுவலா் கோ.சிவருத்ரய்யா, ஆட்சியரின் நோ்முக உதவியாளா் (பொது) புண்ணியக்கோட்டி, சமூக பாதுகாப்புத் திட்ட தனித்துணை ஆட்சியா் சுமதி ஆகியோா் முன்னிலை வகித்தனா். கூட்டத்தில் அரசின் பல்வேறு துறை அதிகாரிகளும் கலந்து கொண்டனா்.