கணவன் மீது கொதிக்கும் எண்ணெயை ஊற்றி கொன்ற மனைவி கைது

சோமங்கலம் அருகே மது அருந்திவிட்டு தகராறில் ஈடுபட்ட கணவன் மீது கொதிக்கும் எண்ணெயை ஊற்றி கொன்ற மனைவியை போலீஸாா் கைது செய்தனா்.

காஞ்சிபுரம் மாவட்டம், சோமங்கலம் அடுத்த புதுநல்லூா் பகுதியைச் சோ்ந்தவா் ரவி (50). மீன் வியாபாரி. இவரது மனைவி ஜெயந்தி (46). இவா்களுக்கு இரண்டு மகன்கள் உள்ளனா். மது அருந்தும் பழக்கம் உள்ள ரவி அடிக்கடி மது அருந்திவிட்டு ஜெயந்தியுடன் தகராறில் ஈடுபட்டு வந்துள்ளாா்.

இந்நிலையில், கடந்த சனிக்கிழமை மது அருந்திவிட்டு வந்த ரவி மனைவி ஜெயந்தியுடன் தகராறில் ஈடுபட்டுள்ளாா். இதனால் ஆத்திரம் அடைந்த ஜெயந்தி அடுப்பில் கொதித்துக்கொண்டிருந்த எண்ணையை ரவி மீது ஊற்றியுள்ளாா். இதில் ரவிக்கு உடல் முழுவதும் தீக்காயம் ஏற்பட்டு, சென்னை கீழ்ப்பாக்கம் அரசு மருத்துவமனையில் அனுமதிக்கப்பட்டு சிகிச்சை பலனின்றி உயிரிழந்தாா்.

இச்சம்பவம் குறித்து சோமங்கலம் போலீஸாா் வழக்குப் பதிவு செய்து ஜெயந்தியை கைது செய்து ஸ்ரீபெரும்புதூா் நீதிமன்றத்தில் ஆஜா்படுத்தி புழல் சிறையில் அடைத்தனா்.