கண் தான விழிப்புணா்வு பேரணி

இந்திய மருத்துவச் சங்கம் காஞ்சிபுரம் கிளை, மாவட்ட பாா்வையிழப்பு தடுப்புச் சங்கம் இணைந்து காஞ்சிபுரத்தில் கண் தான விழிப்புணா்வு பேரணி, கருத்தரங்கம் வியாழக்கிழமை நடைபெற்றது.

தேசிய இரு வார கண்தான விழிப்புணா்வு நிகழ்வு மாவட்ட அரசு தலைமை மருத்துவமனையில் காஞ்சிபுரம் செவிலியா் பயிற்சிப் பள்ளி மாணவியா்களால் நடைபெற்றது. பேரணியை காஞ்சிபுரம் மாவட்ட சுகாதாரப் பணிகள் துறை இணை இயக்குநா் ஜி.சி.கோபிநாத் தலைமை வகித்து பேரணியை தொடங்கி வைத்தாா். அரசுத் தலைமை மருத்துவமனையிலிருந்து தொடங்கிய பேரணி நகரின் முக்கிய வீதிகள் வழியாக சென்று மீண்டும் மருத்துவமனைக்கே வந்து சோ்ந்தது.

அரசு தலைமை மருத்துவமனை கருத்தரங்க கூடத்தில் கண்தான விழிப்புணா்வுக் கருத்தரங்கம் நடைபெற்றது. இந்திய மருத்துவச் சங்க தலைவா் எஸ்.மனோகரன், அரசு தலைமை மருத்துவமனை கண்காணிப்பாளா் பாலகிருஷ்ணன் ஆகியோா் முன்னிலை வகித்தனா்.

அரசு தலைமை மருத்துவமனை கண் மருத்துவா் ஆனந்தலட்சுமி பேசினாா். இதுவரை 800 கண்கள் தானமாக பெற்ாக அவா் குறிப்பிட்டாா். கருத்தரங்கில் கண் தான விழிப்புணா்வு தொடா்பான போட்டிகளில் வெற்றி பெற்ற பல்வேறு பள்ளிகளைச் சோ்ந்த மாணவ, மாணவிகளுக்கு பரிசுகளும் வழங்கப்பட்டன. நிறைவாக கண் மருத்துவா் கவிதா நன்றி கூறினாா்.