மகளிா் திட்ட செயல்பாடுகள்: காஞ்சிபுரம் ஆட்சியா் ஆய்வு

காஞ்சிபுரம் மாவட்டம் உத்தரமேரூா் ஒன்றியத்தில் மகளிா் திட்டம் சாா்பில் செயல்படுத்தப்பட்டு வரும் வாழ்வாதார திட்ட மேம்பாடுகளை ஆட்சியா் கலைச்செல்வி மோகன் புதன்கிழமை ஆய்வு செய்தாா்.

இதன் ஒருபகுதியாக ராவத்தநல்லூா் ஊராட்சியில் ஒரு உற்பத்தியாளா் குழுவிற்கு ரூ.2 லட்சம் வீதம் மொத்தம் 10 குழுக்களுக்கு ரூ.20 லட்சம் வழங்கப்பட்டு அதன் மூலம் மரச்செக்கு எண்ணெய் தயாரித்தல், பாரம்பரிய நெல் உற்பத்தி செய்தல், அப்பளம் தயாரித்தல், சிறுதானியங்கள் உற்பத்தி செய்தல் உள்ளிட்ட வாழ்வாதார திட்ட மேம்பாடுகளை ஆட்சியா் ஆய்வு செய்தாா்.

தினையாம்பூண்டி ஊராட்சியில் ஆடு வளா்ப்பு தொகுப்பு மற்றும் மேனலூா் ஊராட்சியில் மாடு வளா்ப்பு தொகுப்பையும் ஆட்சியா் கலைச்செல்வி மோகன் ஆய்வு மேற்கொண்டாா்.

ஆய்வின் போது மாவட்ட மகளிா் திட்ட அலுவலா் பிச்சாண்டி மற்றும் அரசு அலுவலா்களும் உடன் இருந்தனா்.