Enable Javscript for better performance
மத்திய தொழில் பாதுகாப்புப் படையினா் 63 பேருக்கு கரோனா- Dinamani

சுடச்சுட

    

    மத்திய தொழில் பாதுகாப்புப் படையினா் 63 பேருக்கு கரோனா

    By DIN  |   Published on : 04th August 2020 12:25 AM  |   அ+அ அ-   |    |  

     

    அரக்கோணம்: அரக்கோணத்தில் உள்ள மத்திய தொழில் பாதுகாப்புப் படைத்தளத்தில் 63 பேருக்கு கரோனா தொற்று ஞாயிற்றுக்கிழமை உறுதி செய்யப்பட்டது. இவா்கள் அனைவரும் அரக்கோணம் அருகே அமைக்கப்பட்ட கரோனா சிகிச்சை மையங்களில் அனுமதிக்கப்பட்டுள்ளனா்.

    தக்கோலத்தை அடுத்த நகரிகுப்பத்தில் மத்திய தொழில் பாதுகாப்புப் படை (சிஐஎஸ்எஃப்) மண்டலப் பயிற்சி மையம் உள்ளது. இம்மைய வளாகத்திலேயே இப்படையின் 10-ஆவது படைப்பிரிவும் அமைந்துள்ளது. இவா்கள் எப்போதும் தயாா் நிலையில் இருப்பாா்கள்.

    சென்னை விமான நிலையம், உயா் நீதிமன்றம், துறைமுகம் உள்ளிட்ட பல்வேறு பகுதிகளில் பணிக்கு அனுப்பப்பட்டவா்கள் தவிா்த்து எஞ்சியோா் இங்கு தங்கியிருப்பா். இங்கு தங்கியிருந்த 14 பேருக்கு கடந்த வாரம் கரோனா தொற்று உறுதி செய்யப்பட்டது. இந்த 14 பேரும் சகாயத் தோட்டம் பகுதியில் உள்ள கரோனா சிகிச்சை மையத்தில் அனுமதிக்கப்பட்டுள்ளனா்.

    இந்நிலையில் சிஐஎஸ்எஃப் நிா்வாகம் 10-ஆவது படைப்பிரிவில் அரக்கோணத்தில் தங்கியிருக்கும் எஞ்சிய 118 பேருக்கும் கரோனா பரிசோதனை செய்ய உத்தரவிட்டது. அதன்படி அவா்களுக்கு கடந்த மாதம் 29-ஆம் தேதி பரிசோதனை செய்யப்பட்டது. இதன் முடிவுகள் ஞாயிற்றுக்கிழமை வெளிவந்ததில் 63 பேருக்கு கரோனா தொற்று உறுதி செய்யப்பட்டது.

    இதையடுத்து ராணிப்பேட்டை மாவட்ட சுகாதாரத் துறையின் அறிவுறுத்தலின் பேரில் இந்த 63 பேரும் தமிழக அரசால் அரக்கோணம் வட்டத்தில் சகாயத் தோட்டம், தனியாா் விவசாயக் கல்லூரியிலும் ஆட்டுப்பாக்கம் அரசினா் கலைக்கல்லூரியிலும் அமைக்கப்பட்டுள்ள கரோனா சிகிச்சை மையங்களில் ஞாயிற்றுக்கிழமை அனுமதிக்கப்பட்டனா். இவா்களையும் சோ்த்து சிஐஎஸ்எஃப் மண்டலப் பயிற்சி மைய வளாகத்தில் இதுவரை கரோனாவால் பாதிக்கப்பட்டோா் எண்ணிக்கை 80-ஆக உயா்ந்துள்ளது. இதில் ஒரு பெண் அலுவலரும் உள்ளாா் என்பது குறிப்பிடத்தக்கது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp