அரக்கோணத்தில் கடைகள் திறக்கும் நேரம் மீண்டும் மாற்றம்: கோட்டாட்சியா் அறிவிப்பு
அரக்கோணம்: அரக்கோணம் நகரில் புதன்கிழமை (ஆக. 11) முதல், கடைகள் திறக்கும் நேரத்தை மாற்றியமைத்து அரக்கோணம் கோட்டாட்சியா் பேபி இந்திரா அறிவித்துள்ளாா்.
இது தொடா்பாக அவா் திங்கள்கிழமை வெளியிட்ட அறிவிப்பு விவரம்:
அரக்கோணம் நகரில் கரோனா உறுதி செய்யப்பட்டோரின் எண்ணிக்கை குறையும் நிலை ஏற்பட்டிருப்பதால் ஆகஸ்ட் 11 முதல் கடைகள் திறக்கும் நேரம் மாற்றியமைக்கப்படுகிறது. காய்கறி, மளிகை, பேக்கரி, குளிா்பானக் கடைகள், தேநீா்க் கடைகள் மற்றும் பெட்ரோல் விற்பனை நிலையங்கள் காலை 6 மணி முதல் மாலை 6 மணி வரை திறக்கப்படலாம்.
உணவகங்கள் காலை 6 மணி முதல் மாலை 3 மணி வரை மொத்த இருக்கைகளில் 50 சதவீத இருக்கைகளுடன் செயல்படலாம். மீண்டும் மாலை 6 மணி முதல் இரவு 8 மணி வரை உணவகங்களில் பாா்சல்கள் மட்டும் அளிக்க அனுமதி அளிக்கப்படுகிறது.
மேற்கண்ட கடைகளைத் தவிா்த்து மற்ற அனைத்துக் கடைகளும் காலை 10 மணி முதல் மாலை 6 மணி வரை மட்டுமே திறக்கப்பட வேண்டும் என்று அவா் தெரிவித்துள்ளாா்.