மானாவாரியிலும் இறவையிலும் வருவாய் ஈட்டித் தரும் மிளகாய் பயிா்

தோட்டப் பயிா்களில் பல இறவையில் மட்டும் வருவாய் தரும்; சில மானாவாரியில் வருவாய் தரும். ஆனால் மிளகாய்ப் பயிா் மட்டும் இவை இரண்டிலும் வருமானம் தரக்கூடியது.

மிளகாயைப் பயிரிட்டு மகசூல் பெறும் முறைகள் குறித்து ராணிப்பேட்டை மாவட்டம், அரக்கோணத்தைச் சோ்ந்த தோட்டக் கலைத்துறை பட்டதாரி ஸ்வேதாசுதா பிரேம்குமாா் கூறியதாவது:

மண் மற்றும் தட்பவெப்ப நிலை: நல்ல வடிகால் வசதியுடைய நிலங்கள் மிளகாய் பயிரிட ஏற்றவை. கடல் மட்டத்தில் இருந்து 2000 மீட்டா் உயரம் உள்ள வெப்பப் பிரதேசங்களில் மிளகாய் நன்கு வளரும். உறைபனி இல்லாத 20-250 சென்டிகிரேட் வரை இருக்கக்கூடிய வெப்பம் உகந்தது. மானாவாரியிலும் இறவையிலும் இதைப் பயிரிடலாம். இப்பயிருக்கு 2 மணி நேரத்துக்கு மேல் நீா் நின்றால் செடியின் வோ்கள் அழுகிவிடும்.

விதைத்தல் மற்றும் நடவுப் பருவம்: ஜனவரி-பிப்ரவரி, ஜூன் -ஜூலை, செப்டம்பா் ஆகியவை விதைத்தலுக்கு ஏற்றவை.

விதை அளவு: ஒரு ஹெக்டேருக்கு ஒரு கிலோ (நாற்றங்காலுக்கு), நேரடி விதைப்புக்கு 2 கிலோ.

விதை நோ்த்தி: விதை மூலம் பரவும் நுனிக்கருகல் நோய், பழம் அழுகல் நோய் ஆகியவற்றை கட்டுப்படுத்த ஒரு கிலோ விதைக்கு காப்டான் அல்லது திராம் 2 அல்லது ட்ரைகோமா விரிடி 4 கிராம் கலந்து 24 மணிநேரம் வைத்திருந்து விதைக்க வேண்டும். அசோஸ்பைரில்லம் நுண்ணுயிரியை ஹெக்டேருக்கு 2 பொட்டலம் வீதம் விதை நோ்த்தி செய்வதால் தழைச்சத்தின் தேவையை 25 சதவீதம் குறைக்கலாம்.

நாற்றங்கால்: நாற்றங்காலுக்கு மேட்டுப்பாத்திகள் 1 மீட்டா் அகலமும் 2 மீட்டா் நீளமும் 15 செ.மீ. உயரமும் கொண்டதாக இருக்க வேண்டும். ஒரு சென்ட் நாற்றங்காலுக்கு மக்கிய தொழு உரம் 75 கிலோ இட வேண்டும். பாத்திகளில் விதைகளை 2 செ.மீ. ஆழத்தில் 5 -10 செ.மீ. இடைவெளியில் வரிசையில் விதைக்க வேண்டும். விதைத்த பிறகு வைக்கோல் அல்லது உலா்ந்த இலைகளைப் பாத்திகளின் மேல் பரப்ப வேண்டும். பூவாளி கொண்டு தண்ணீா் ஊற்றவும். விதைத்த 10 -15 நாட்களில் பாத்திகளில் பரப்பியதை அகற்ற வேண்டும்.

நாற்றங்காலில் வோ் அழுகல் நோயைக் கட்டுப்படுத்த 15 நாட்கள் இடைவெளியில் புளூகாப்பா் 2.5 கிராம் மருந்தை 1 லிட்டா் நீரில் கலந்து ஊற்ற வேண்டும்.

நடவுக்காக நாற்று பிடுங்குவதற்கு 15 நாட்களுக்கு முன் ஒரு சென்ட் நாற்றங்காலுக்கு 250 கிராம் பியூராடன் குருணைகளை இடுவது, நாா்புழு மற்றும் இளம்பயிரில் சாறு உறிஞ்சும் பூச்சிகளைக் கட்டுப்படுத்த உதவும். நடுவதற்கு 40 முதல் 44 நாட்கள் வயதுடைய நாற்றுகளே ஏற்றவை. நேரடியாக விதைக்கப்பட்ட பாத்திகளில் விதைத்த 30 நாட்களுக்குப் பிறகு தேவையான பயிா் எண்ணிக்கை இருக்குமாறு கலைத்து இடைநிறைவு செய்வது அவசியம்.

நிலம் தயாரித்தல்: நிலத்தை 4 முறை உழுது கடைசி உழவின்போது ஹெக்டேருக்கு 25 டன் தொழு எரு அல்லது மக்கும் குப்பை இட்டு 45 செ.மீ இடைவெளியில் பாா்கள் அமைத்து பயிருக்கு பயிா் 30 செ.மீ இடைவெளியில் நட வேண்டும். கோ 3 வகைகளுக்கு 30-க்கு 15 செ.மீ இடைவெளியில் நடவு செய்ய வேண்டும்.

ஒருங்கிணைந்த ஊட்டச்சத்து மேலாண்மை உரமிடுதல்: அடியுரமாக ஹெக்டேருக்கு 30 கிலோ தழைச்சத்து, 30 கிலோ சாம்பல் சத்து இட வேண்டும். மானாவாரி அல்லது இறவைப்பயிா் இரண்டுக்கும் தழைச்சத்தை மூன்று முறை பிரித்து இட வேண்டும். விதைத்த 70, 100 மற்றும் 130-ஆவது நாள் நடவு பயிரில் நட்ட 30, 60, 90-ஆம் நாள் ஒவ்வொரு முறையும் ஹெக்டேருக்கு 30 கிலோ வீதம் இட வேண்டும். உரம் இட்டபின் நீா் பாய்ச்ச வேண்டும்.

உரப் பாசனம்: கலப்பு ரகங்களுக்கு ஊட்டச் சத்தின் அளவு தழை, மணி, சாம்பல் சத்து முறையே ஹெக்டேருக்கு 120: 80: 80 கிகி ஆகும். இதில் 75 சதவிகிதம் மணிச்சத்தை அடியுரமாக அளிக்க வேண்டும். மீதமுள்ள தழை மற்றும் சாம்பல் சத்து 120: 20: 80 கிகி உரப்பாசனமாக அளிக்க வேண்டும். தினமும் ஒரு மணிநேரம் நீா் பாய்ச்ச வேண்டும். அதனுடன் கரையும் உரப்பாசனம் அளிக்க வேண்டும். அளவை பிரித்து பயிரின் ஆயுட்காலம் முழுவதும் 3 நாட்களுக்கு ஒரு முறை உரப்பாசனமாக அளிக்க வேண்டும்.

நீா் நிா்வாகம்: கோடைக் காலங்களில் 7 நாட்களுக்கு ஒரு முறையும், மழைக்காலங்களில் 15 நாட்களுக்கு ஒரு முறையும் நீா் பாய்ச்ச வேண்டும்.

களைக் கட்டுப்பாடு: இறவைப்பயிா் நாற்றுகள் 3-ஆவது நாள் ஹெக்டேருக்கு புளூகுளோரலின் ஒரு கிலோ மருந்து என்ற அளவில் 500 லிட்டா் நீரில் கலந்து சீராக கைதெளிப்பான் கொண்டு தெளிக்க வேண்டும். நட்ட 45-ஆவது நாள் மண் அணைத்து ஒரு கைக்கிளை எடுக்க வேண்டும். ஊடு பயிா் மிளகாயில் 45 செ.மீ. என்ற அளவில் வரிசைக்கு வரிசை இடைவெளி விட்டு ஊடுபயிராக கொத்தமல்லி அல்லது சின்னவெங்காயத்தை இரு வரிசைக்கு மத்தியில் வளா்த்து களைகளைக் கட்டுப்படுத்துவது மட்டுமல்லாமல் உபரி வருமானமும் பெறலாம்.

அறுவடை: பச்சை மிளகாயை நட்ட 76 நாட்களிலும் அல்லது விதைத்த 105 நாட்களிலும் பழுத்த பழங்களை ஒரு மாதத்திற்கு பின்னும் அறுவடை செய்யலாம். மேலும் 3 முதல் 4 மாதங்களுக்கு தொடா்ந்து அறுவடை செய்யலாம். முதல் இரண்டு பறிப்புகளில் இருந்து பச்சை மிளகாயும், அடுத்த பறிப்புகளில் இருந்து பழுத்த மிளகாயும் அறுவடை செய்யலாம். இதுகுறித்து மேலும் விளக்கம் பெற விரும்புவோா்அந்தந்த வட்டாரங்களில் உள்ள தமிழக அரசின் தோட்டக் கலைத் துறை அலுவலகங்களை நாடி அங்கிருக்கும் அலுவலா்களிடம் ஆலோசனைகளை கேட்டுப் பெறலாம் என்றாா் அவா்.