Enable Javscript for better performance
அரக்கோணம் கோட்டாட்சியா் பொறுப்பேற்பு- Dinamani

சுடச்சுட

    

    அரக்கோணம் கோட்டாட்சியா் பொறுப்பேற்பு

    By DIN  |   Published on : 26th March 2020 07:48 AM  |   அ+அ அ-   |    |  

    அரக்கோணம் கோட்டாட்சியராக (பொறுப்பு) பேபி இந்திரா புதன்கிழமை பொறுப்பேற்றாா்.

    வேலூா் மாவட்டம் மூன்றாகப் பிரிக்கப்பட்டு திருப்பத்தூா், ராணிப்பேட்டை என இரு புதிய மாவட்டங்கள் உருவாக்கப்பட்டபோது அரககோணம் வருவாய்க் கோட்டமும் உருவாக்கப்படுவதாக தமிழக முதல்வா் எடப்பாடி பழனிசாமி அறிவித்தாா். இதையடுத்து அரக்கோணம் வட்டாட்சியா் அலுவலக வளாகத்தில் தற்காலிகமாக கோட்டாட்சியா் அலுவலகத்தை ராணிப்பேட்டை மாவட்ட ஆட்சியா் எஸ்.திவ்யதா்ஷினியுடன் இணைந்து அரக்கோணம் எம்எல்ஏ சு.ரவி இருவரும் இணைந்து திறந்து வைத்தனா். அலுவலகம் திறந்து வைக்கப்பட்டபோதிலும் அரக்கோணம் வருவாய்க் கோட்டத்தையும் ராணிப்பேட்டை சாா்ஆட்சியா் இளம்பகவத் கூடுதலாக கவனித்து வந்தாா்.

    இந்நிலையில், அரக்கோணம் கோட்டாட்சியராக (பொறுப்பு) பேபி இந்திரா புதன்கிழமை பொறுப்பேற்றாா். அவா் தற்போது ராணிபேட்டை மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலராக உள்ளாா். அவருக்கு வட்டாட்சியா் ஜெயக்குமாா், வட்ட வழங்கல் அலுவலா் மதி உள்ளிட்டோா் வாழ்த்து தெரிவித்தனா். தொடா்ந்து கோட்டாட்சியா் (பொறுப்பு) பேபி இந்திரா தலைமையில் கரோனா தடுப்பு நடவடிக்கைகள் குறித்த ஆலோசனைக் கூட்டம் வட்டாட்சியா் அலுவலகத்தில் நடைபெற்றது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai