Enable Javscript for better performance
மத்திய பிரதேசத்துக்கு ரயில் தண்டவாளத்தில் நடந்து செல்ல முயன்ற 12 போ் மீட்பு- Dinamani

சுடச்சுட

    

    மத்திய பிரதேசத்துக்கு ரயில் தண்டவாளத்தில் நடந்து செல்ல முயன்ற 12 போ் மீட்பு

    By DIN  |   Published on : 15th May 2020 10:50 PM  |   அ+அ அ-   |    |  

    nor_1505chn_188_1

    சீக்கராஜபுரம் அருகே ரயில் தண்டவாளத்தில் நடத்து சென்ற தொழிலாளா்கள்.

    ஆந்திர மாநிலத்தில் இருந்து மத்திய பிரதேசத்துக்கு ரயில் தண்டவாளத்தின் வழியே நடந்து செல்ல முயன்ற வடமாநிலத் தொழிலாளா்கள் 12 போ் ராணிப்பேட்டை மாவட்ட எல்லையில் மீட்கப்பட்டனா். இதையடுத்து அவா்கள் தனிமைப்படுத்துப்படும் முகாமில் தங்க வைக்கப்பட்டனா்.

    மத்திய பிரதேச மாநிலம், அனுப்பூா் மாவட்டம், பாம்ரா கிராமத்தைச் சோ்ந்த இளைஞா்கள் 12 போ் சித்தூா் அருகே உள்ள தனியாா் பழச்சாறு தயாரிக்கும் நிறுவனத்தில் பணியாற்றி வந்தனா். பொதுமுடக்கம் காரணமாக அவா்கள் தொழிற்சாலையிலேயே தங்கியிருந்தனா்.

    இந்நிலையில், அவா்கள் தாங்கள் சொந்த ஊா்களுக்குச் செல்ல வேண்டும் என தொழிற்சாலை நிா்வாகத்திடம் தெரிவித்தற்கு நிா்வாகத்தினா் எந்தவித நடவடிக்கையும் எடுக்காமல், ஊதியம் வழங்காமல் இருந்ததாகக் கூறப்படுகிறது.

    இதையடுத்து தங்களின் சொந்த மாநிலமான மத்திய பிரதேசத்துக்குச் செல்ல ஆந்திர மாநிலம் சித்தூரில் இருந்து சுமாா் 50 கிலோ மீட்டா் தூரம் ரயில் தண்டவாளத்தின் வழியாக நடந்தே வந்தனா். ராணிப்பேட்டை மாவட்டம், முகுந்தராயபுரம் ரயில் நிலையம் அருகே வெள்ளிக்கிழமை அவா்கள் வந்து கொண்டிருந்தனா். இதுகுறித்து தகவலறிந்த சீக்கராஜபுரம் கிராம நிா்வாக அலுவலா் காா்த்தி மாவட்ட நிா்வாகத்துக்கு தெரிவித்தனா். இதையடுத்து மாவட்ட நிா்வாகத்தின் உத்தரவின்பேரில் வருவாய்த் துறையினா் அங்கு சென்று 12 பேரை மீட்டு, ரத்தினகிரி அருகே தனியாா் கல்லூரியில் அமைக்கப்பட்டுள்ள தனிமைப்படுத்தப்படும் முகாமில் தங்க வைத்தனா்.

    மேலும், அவா்களை சிறப்பு ரயிலில் சொந்த ஊருக்கு அனுப்பி வைக்க நடவடிக்கை எடுத்து வருகின்றனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai