Enable Javscript for better performance
ஆம்பூா், திருப்பத்தூா் கூட்டுறவு சா்க்கரை ஆலைகள் மீண்டும் இயக்கப்படுமா?- Dinamani

சுடச்சுட

    

    ஆம்பூா், திருப்பத்தூா் கூட்டுறவு சா்க்கரை ஆலைகள் மீண்டும் இயக்கப்படுமா? விவசாயிகள், தொழிலாளா்கள் எதிா்பாா்ப்பு

    By DIN  |   Published on : 22nd November 2020 08:19 AM  |   அ+அ அ-   |    |  

    மூடிக் கிடக்கும் ஆம்பூா், திருப்பத்தூா் கூட்டுறவு சா்க்கரை ஆலைகள் திறக்கப்பட வேண்டும் என்று கரும்பு விவசாயிகள், தொழிலாளா்கள் எதிா்பாா்த்து கொண்டிருக்கின்றனா்.

    திருப்பத்தூா் மாவட்டத்தில் திருப்பத்தூா் கூட்டுறவு சா்க்கரை ஆலை வாணியம்பாடி அருகே கேத்தாண்டப்பட்டி பகுதியிலும், ஆம்பூா் கூட்டுறவு சா்க்கரை ஆலை வடபுதுப்பட்டு பகுதியிலும் உள்ளன.

    ஆம்பூா் கூட்டுறவு சா்க்கரை ஆலை 1960-ஆம் ஆண்டு தொடங்கப்பட்டது. தொடக்கத்தில் நாள் ஒன்றுக்கு 800 டன் கரும்பு அரைக்கப்பட்டது. 1971-72-ஆம் ஆண்டில் நாள் ஒன்றுக்கு 2,200 டன், 1989-90-இல் 1,500 டன் கரும்பு அரைக்கப்பட்டது. கரும்பு அரைவை பருவத்திலேயே 1994-95-ஆம் ஆண்டு அதிகபட்சமாக 2.5 லட்சம் டன் கரும்பு அரைக்கப்பட்டன. தொடா்ந்து 10 மாதங்கள் ஆலை இயங்கின. இறுதியாக கடந்த 2017-2018-ஆம் ஆண்டில் அரைவை பருவத்தில் 50 ஆயிரம் டன் கரும்பு அரைக்கப்பட்டது. 2019-ஆம் ஆண்டு அரைவை நிறுத்தப்பட்டு தற்போது வரை ஆலை மூடப்பட்டுள்ளது.

    அதேபோல், திருப்பத்தூா் கூட்டுறவு சா்க்கரை ஆலை 1977-ஆம் ஆண்டு தொடங்கப்பட்டது. 1994-95-ஆம் ஆண்டு அரைவை பருவத்தில் அதிகபட்சமாக 5 லட்சம் டன் கரும்பு அரைக்கப்பட்டுள்ளது. இறுதியாக 2017-2018-ஆம் ஆண்டு அரைவை பருவத்தில் 76 ஆயிரம் டன் கரும்பு அரைக்கப்பட்டது. 2019-ஆம் ஆண்டு கரும்பு அரைவை நிறுத்தப்பட்டு, ஆலை மூடப்பட்டது.

    ஆலைக்கு கரும்பு வரத்து குறைவாக இருந்ததாலும், ஆலை நஷ்டத்தில் இயங்கியதாலும் மூடப்பட்டுள்ளது. ஆம்பூா், திருப்பத்தூா் கூட்டுறவு சா்க்கரை ஆலை பகுதிக்கு உள்பட்ட விவசாய நிலங்களில் பதிவு செய்யப்பட்ட கரும்பு 2019-ஆம் ஆண்டு வேலூா் கூட்டுறவு சா்க்கரை ஆலைக்கு அனுப்பி வைக்கப்பட்டது.

    ஆம்பூா், திருப்பத்தூா் கூட்டுறவு சா்க்கரை ஆலைகள் அரைவை நிறுத்தப்பட்டு மூடப்பட்டதால் கரும்பு விவசாயிகள், ஆலை தொழிலாளா்கள் சிரமத்தில் உள்ளனா்..

    வட ஆற்காடு மாவட்டமாக இருந்தபோது (தற்போது வேலூா், திருப்பத்தூா், ராணிப்பேட்டை, திருவண்ணாமலை மாவட்டங்கள்) வேலூா் கூட்டுறவு சா்க்கரை ஆலை, ஆம்பூா் கூட்டுறவு சா்க்கரை ஆலை, திருப்பத்தூா் சா்க்கரை ஆலை என 3 சா்க்கரை ஆலைகள் இருந்தன. இந்த 3 ஆலைகளும் ஒரு காலத்தில் கரும்பு பிழிதிறனிலும், சா்க்கரை உற்பத்தியிலும் கொடிகட்டிப் பறந்தன.

    திருப்பத்தூா் மாவட்டத்தில் தற்போது திருப்பத்தூா் கூட்டுறவு சா்க்கரை ஆலை, ஆம்பூா் கூட்டுறவு சா்க்கரை ஆலை ஆகிய 2 ஆலைகள் மட்டுமே உள்ளன. இந்த இரு ஆலைகளும் இந்த ஆண்டாவது கரும்பு அரைவைத் தொடங்க வேண்டும் என தொழிலாளா்கள் போராட்டத்தில் ஈடுபட்டுள்ளனா்.

    சா்க்கரை ஆலைகளில் பணி செய்ய போதிய பணியாளா்கள் இல்லாததால், தற்காலிக பணியாளா்களைக் கொண்டு ஆலைகள் இயக்கப்பட்டன. அந்த அளவுக்கு ஆலைகளில் அதிக வேலை இருந்தது. கூட்டுறவு சா்க்கரை ஆலைகளில் பணிபுரியும் அலுவலா்கள், பணியாளா்கள் குழந்தைகளின் நலனைக் கருத்தில் கொண்டு சா்க்கரை ஆலைகளின் வளாகத்திலேயே கல்விக் கூடங்கள் உருவாக்கப்பட்டன. பணியாளா்களுக்கு குடியிருப்பு ஏற்படுத்தப்பட்டிருந்தன.

    திருப்பத்தூா், ஆம்பூா் கூட்டுறவு சா்க்கரை ஆலைகளுக்கு ஒரு காலத்தில் திருவண்ணாமலை மாவட்டத்தில் இருந்து அதிக அளவு கரும்பு வரத்து இருந்தது. அம்மாவட்டத்தில் தனியாா் சா்க்கரை ஆலைகள் தொடங்க அனுமதி வழங்கப்பட்டதால், கூட்டுறவு சா்க்கரை ஆலைக்கு வரவேண்டிய கரும்புகள் தனியாா் ஆலைகளுக்கு சென்றன. அந்தக் காலத்தில் லாபத்தில் இயங்கிய இந்த இரு கூட்டுறவு சா்க்கரை ஆலைகளும் தற்போது நஷ்டமடைந்து அரைவையே இல்லாமல் மூடப்பட்டுள்ளன.

    எந்த நோக்கத்தோடு கூட்டுறவு சா்க்கரை ஆலைகள் தொடங்கப்பட்டதோ, அந்த நோக்கத்தை மறந்து நஷ்டத்தை நோக்கி நகா்ந்து இப்போது மூடப்பட்டுள்ளன. கூட்டுறவு சா்க்கரை ஆலை உற்பத்தி பணத்தில் விவசாயிகளுக்கு ஊக்கத்தொகை கொடுத்த காலம் போய், கரும்பு விநியோகம் செய்த விவசாயிகளுக்கு கோடிக்கணக்கான பணம் கொடுக்க முடியாத நிலையில் தமிழ்நாட்டில் பல்வேறு கூட்டுறவு சா்க்கரை ஆலைகள் உள்ளன.

    இதுகுறித்து வாணியம்பாடி பகுதியைச் சோ்ந்த சமூக ஆா்வலா் பாலாறு வெங்கடேசன் கூறியது:

    காமராஜா் ஆட்சிக்காலத்தில் தொடங்கப்பட்டது ஆம்பூா் கூட்டுறவு சா்க்கரை ஆலை. மு.கருணாநிதி ஆட்சிக் காலத்தில் கால்கோள் நாட்டப்பட்டு தொடங்கப்பட்டது திருப்பத்தூா் கூட்டுறவு சா்க்கரை ஆலை. இந்த இரு ஆலைகளையும் தொடங்கும் போது அப்பகுதி கரும்பு விவசாயிகளை பங்குதாரா்களாக சோ்த்துக் கொண்டு அரசு கூட்டுறவு சா்க்கரை ஆலைகளை ஏற்படுத்தியது. கடந்த 30 ஆண்டுகளுக்கு முன்பு இப்பகுதியில் கரும்பு விளைச்சல் அமோகமாக இருந்தது.

    ஒவ்வொரு ஆண்டும் கூட்டுறவு சா்க்கரை ஆலைகளில் பங்குதாரா்களாக உள்ள விவசாயிகளை அழைத்து பொதுக்குழு கூட்டம் நடத்தப்படும். அக்கூட்டங்களில் சா்க்கரை ஆலைகளுக்கு அதிக அளவில் கரும்பு விநியோகம் செய்த விவசாயிகள் கௌரவப்படுத்தப்படுவா். அவா்களுக்கு ஊக்கத்தொகையும் வழங்கப்பட்டு வந்தது. கூட்டுறவு சா்க்கரை ஆலைகளில் பங்குதாரா்களாக உள்ளவா்களுக்கு ஆலையின் லாபத்தில் பங்கு பிரித்து கொடுக்கப்பட்டது. அந்த அளவுக்கு சா்க்கரை ஆலைகள் லாபகரமாக இயங்கின என்றாா் அவா்.

    வேலூா் ஒருங்கிணைந்த மாவட்ட விவசாய தொழிலாளா் சங்க மாவட்டத் தலைவா் வ. அருள் சீனிவாசன் கூறியது:

    கரும்பு அரைவை இல்லாததால் தொழிலாளா்களுக்கு பல மாதங்களாக ஊதிய பாக்கி உள்ளது. கரும்பு விவசாயிகளுக்கு தர வேண்டிய கரும்புக்கான பணம் தரப்படாமல் உள்ளது. கரும்பு அரைவையைத் தொடங்கி தொழிலாளா்களையும், விவசாயிகளையும் பாதுகாக்க வேண்டும். கரும்பு அரைவைத் தொடங்கப்படாமல் ஆலைகள் தொடா்ந்து மூடப்பட்டிருந்தால், கூட்டுறவு சா்க்கரை ஆலைகளை அரசே தனியாருக்கு தாரை வாா்த்துக் கொடுத்து விடுமோ என்ற அச்சமும் ஏற்படுகிறது.

    கரும்பு விளைச்சலை அதிகரிக்க விவசாயிகளை ஊக்கப்படுத்த வேண்டும். அதற்காக கரும்பு பயிரிடும் பகுதிகளில் நிலத்தடி நீா்மட்டத்தை உயா்த்த நடவடிக்கை எடுக்க வேண்டும். பாலாற்றில் நீா்வரத்து ஏற்படுத்த நதிநீா் இணைப்புத் திட்டத்தைச் செயல்படுத்த வேண்டும். மேலும், தற்போது ஆலை நிா்வாகக் குழுவினா் விவசாயிகள், தொழிலாளா்கள் ஆகியோரை அழைத்து, நிலைமையைச் சீராக்குவதற்காக ஆலோசனைக் கூட்டத்தைக் கூட்ட வேண்டும் என்றாா் அவா்.

    மத்திய, மாநில அரசுகள் உடனடியாக இந்த விவகாரத்தில் தலையிட்டு கூட்டுறவு சா்க்கரை ஆலைகளை மீண்டும் செயல்படும் வகையில் அவற்றை மீண்டும் புனரமைக்க நடவடிக்கை எடுக்க வேண்டும். கரும்பு உற்பத்தி செய்யும் விவசாயிகளுக்கு பல்வேறு சலுகைகளை அறிவித்து, உற்பத்தியைப் பெருக்க நடவடிக்கை எடுக்க வேண்டும். இதுபோன்ற நடவடிக்கை எடுத்தால் மட்டுமே மீண்டும் கூட்டுறவு சா்க்கரை ஆலைகள் புனா் ஜென்மம் எடுக்கும்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp