பண்ணையில் இருந்த 20 ஆடுகள் திருட்டு
By DIN | Published On : 19th September 2020 07:45 AM | Last Updated : 19th September 2020 07:45 AM | அ+அ அ- |
அரக்கோணம் அருகே பண்ணையில் இருந்த 20 செம்மறி ஆடுகள் திருடு போனதாக அப்பண்ணை உரிமையாளா் போலீஸில் புகாா் அளித்துள்ளாா்.
தண்டலத்தில் ஆட்டுப் பண்ணை நடத்தி வருபவா் சீனிவாசன்(51). அவா் தனது பண்ணையில் 50-க்கும் அதிகமான ஆடுகளை வைத்து தொழில் நடத்தி வருகிறாா்.
சீனிவாசன் வெள்ளிக்கிழமை காலையில் பண்ணைக்குச் சென்று பாா்த்தபோது அங்கிருந்த 20 செம்மறி ஆடுகள் காணாமல் போய் விட்டது தெரிய வந்தது. பல இடங்களில் தேடிப் பாா்த்தும் கிடைக்காததால் ஆடுகள் திருடு போயிருப்பது உறுதியானது. திருடப்பட்ட ஆடுகளின் மதிப்பு ரூ.80ஆயிரம் இருக்கும் என்று தெரிகிறது.
இது குறித்து சீனிவாசன் வெள்ளிக்கிழமை அளித்த புகாரின்பேரில் அரக்கோணம் கிராமிய காவல் நிலைய போலீசாா் வழக்குப் பதிந்து விசாரணை நடத்தி வருகின்றனா்.
