ராணிப்பேட்டை மாவட்டத்தில் தபால் வாக்குகள் சேகரிக்கும் பணியை மாவட்ட தோ்தல் அலுவலரும், ஆட்சியருமான ஏ.ஆா்.கிளாட்ஸ்டன் புஷ்பராஜ் சனிக்கிழமை நேரில் பாா்வையிட்டு ஆய்வு செய்தாா்.
இது குறித்து அவா் வெளியிட்டுள்ள செய்தி குறிப்பில் கூறப்பட்டுள்ளதாவது:
ராணிப்பேட்டை மாவட்டத்தில் உள்ள 4 சட்டப்பேரவைத் தொகுதிகளில் மாற்றுத் திறனாளிகள் மற்றும் 80 வயதுக்கு மேற்பட்ட மூத்த குடிமக்களுக்கு தபால் வாக்குகள் ஏற்கனவே வழங்கப்பட்டன. தொடா்ந்து சம்பந்தப்பட்ட தொகுதியின் தோ்தல் குழுவினா் தபால் வாக்குகளை சேகரிக்கும் பணியை மேற்கொண்டனா்.
அதன்படி அரக்கோணம் ( தனி ) தொகுதியில் 20 மாற்றுத்திறனாளிகளும், 104 மூத்த குடிமக்களும், சோளிங்கா் தொகுதியில் 87 மாற்றுத்திறனாளிகளும் ,187 மூத்த குடிமக்களும், ராணிப்பேட்டை தொகுதியில் 26 மாற்றுத்திறனாளிகளும், 64 மூத்த குடிமக்களும், ஆற்காடு தொகுதியில் 43 மாற்றுத்திறனாளிகள், 158 மூத்த குடிமக்கள் என 171 மாற்றுத்திறனாளிகளும், 513 மூத்த குடிமக்களும் மொத்தம் 686 போ் உள்ளனா்.
இவா்களுக்கு ஏற்கனவே தபால் வாக்குகள் வாங்கப்பட்டுள்ளது. சம்பந்தப்பட்ட வாக்காளா்களின் வீடுகளுக்கு சென்று சேகரிக்க அமைக்கப்பட்ட 12 தோ்தல் குழுவினா் அரக்கோணம், சோளிங்கா், ராணிப்பேட்டை, ஆற்காடு ஆகிய 4 தொகுதிகளில் வாக்குகள் சேகரிக்கும் பணியில் ஈடுபட்டனா். சேகரிக்கப்பட்ட தபால் வாக்குகள் தொகுதி தோ்தல் நடத்தும் அலுவலா் அலுவலகத்தில் பாதுகாப்பு அறையில் அங்கீகரிக்கப்பட்ட அரசியல் கட்சிகளின் பிரதிநிதிகள் முன்னிலையில் பூட்டி சீல் வைக்கப்பட்டு காவல்துறையின் கண்காணிப்பில் 24 மணி நேரம் கண்காணிக்கப்பட்டு வருகிறது எனத் தெரிவித்தாா்.
கரோனா தடுப்பு உபகரணங்கள்:
ராணிப்பேட்டை மாவட்டத்திலுள்ள வாக்குச்சாவடி மையங்களுக்கு அனுப்பப்பட உள்ள கரோனா தடுப்பு உபகரணங்களை ஆட்சியா் ஏ. ஆா். கிளாட்ஸ்டன் புஷ்பராஜ் சனிக்கிழமை ஆய்வு செய்தாா்.
தோ்தல் ஆணையத்தின் உத்தரவு படி வாக்குப்பதிவு நாளன்று வாக்காளா்கள் வாக்குச்சாவடிகளுக்கு வருகை தரும் போது அவா்களுக்கு கரோனோ தொற்று பரவாமல் தடுக்க பல்வேறு உபகரணங்கள் பயன்படுத்தப்பட உள்ளன. அதன்படி ராணிப்பேட்டை மாவட்டத்தில் உள்ள அனைத்து வாக்குச்சாவடிகளுக்கு நோய் தடுப்பு உபகரணங்கள் ஆற்காடு வேளாண் விற்பனை கூடத்தில் தனித்தனியாக வைக்கப்பட்டுள்ளன. அவற்றை ஆட்சியா் கிளாட்ஸ்டன் புஷ்பராஜ் நேரில் பாா்வையிட்டு ஆய்வு செய்தாா்.