அரக்கோணம் தொகுதியில் அதிமுக மூன்றாவது முறையாக தொடா்ந்து வெற்றிப் பெற்றது. அக்கட்சி வேட்பாளா் சு.ரவி 27,169 வாக்குகள் வித்தியாசத்தில் வெற்றி பெற்று தொகுதியை தக்க வைத்துக் கொண்டாா்.
அரக்கோணம் சட்டப் பேரவைத் தொகுதியில் அதிமுக சாா்பில் சு.ரவி, திமுக கூட்டணியில் விடுதலைச் சிறுத்தைகள் கட்சி வேட்பாளராக கௌதம்சன்னா மற்றும் அமமுக, மக்கள் நீதிமையம், நாம்தமிழா் கட்சி வேட்பாளா்கள் உள்பட 13 போ் போட்டியிட்டனா். இத்தொகுதிக்கான வாக்கு எண்ணிக்கை ஞாயிற்றுக்கிழமை எண்ணப்பட்டதில் அதிமுக வேட்பாளா் சு.ரவி 85, 399 வாக்குகள் பெற்று விசிக வேட்பாளா் கௌதம்சன்னாவை 27,169 வாக்குகள் வித்தியாசத்தில் தோற்கடித்தாா். கௌதம்சன்னா 58,230 வாக்குகள் பெற்றாா். இத்தொகுதியில் போட்டியிட்ட நாம் தமிழா் கட்சி வேட்பாளா் இ.அபிராமி 14, 631வாக்குகள் பெற்று மூன்றாமிடம் பெற்றாா்.
வெற்றி பெற்ற்கான சான்றிதழை அதிமுக வேட்பாளா் சு.ரவியிடம் தொகுதி தோ்தல் அலுவலரும் அரக்கோணம் கோட்டாட்சியருமான சிவதாஸ் வழங்கினாா்.
வேட்பாளா்கள் பெற்ற வாக்குகள் விவரம்
சு.ரவி (அதிமுக) - 85,399
ஜெ.கௌதம்சன்னா (விசிக) - 58,230
இ.அபிராமி(நாம்தமிழா்கட்சி) -14,631
கோ.சி.மணிவண்ணன்(அமமுக) - 4,777
எஸ்.பாஸ்கா்(மநீம) -3,543