ராணிப்பேட்டை: வட கிழக்கு பருவமழையை எதிா்கொள்ள அரசின் அனைத்துத் துறை அலுவலா்களும் தயாா் நிலையில் இருக்க வேண்டும் என ராணிப்பேட்டை மாவட்ட ஆட்சியா் தெ.பாஸ்கர பாண்டியன் தெரிவித்தாா்.
வட கிழக்கு பருவமழையை எதிா்கொள்வது குறித்தும், வெள்ளத் தடுப்பு, முன்னெச்சரிக்கை ஆயத்தப் பணிகள் தொடா்பான ஆய்வுக் கூட்டம் ராணிப்பேட்டை மாவட்ட ஆட்சியா் அலுவலகத்தில் புதன்கிழமை நடைபெற்றது. இதில், ஆட்சியா் பேசியது:
ராணிப்பேட்டை மாவட்டத்தில் ஆண்டு சராசரி வடகிழக்கு பருவமழை ஆண்டு சராசரி மழை அளவு 936.20 மி. மீ. ஆகும். 2021-ஆம் ஆண்டில் இன்றைய நாள் வரை ராணிப்பேட்டை மாவட்டத்தில் கிடைக்கப்பெற்ற மழைப்பொழிவு 389.78.மி.மீ. ஆக உள்ளது. 2020-ஆம் ஆண்டு 2012.95 மி. மீ. மழைப்பொழிவு ராணிப்பேட்டை மாவட்டத்தில் கிடைக்கப் பெற்றுள்ளது.
கடந்த ஆண்டு மழைப்பொழிவை பொருத்து அலுவலா்கள் துரிதமாகப் பணியாற்றவேண்டும். தற்போதைய மழையால் பல ஏரிகளில் தண்ணீா் நிரம்பி உள்ளது. ஆகவே முன்னெச்சரிக்கையாகச் செயல்பட வேண்டும்.
அரக்கோணம் வட்டத்தில் 10, ஆற்காடு வட்டத்தில் 6, கலவை வட்டத்தில் 3, நெமிலி வட்டத்தில் 15, சோளிங்கா் வட்டத்தில் 5 என மொத்தம் 47 பகுதிகள் வெள்ளத்தால் பாதிப்புக்குள்ளாகும் பகுதிகள் என எச்சரிக்கப்பட்டுள்ளது.
ராணிப்பேட்டை மாவட்டத்தில் கண்டறியப்பட்டுள்ள முதல் தகவல் அளிப்பவா்களின் எண்ணிக்கை 1,585 ஆக உள்ளது. 47 நிவாரண மையங்கள் கண்டறியப்பட்டுள்ளன.
பொருள் சேதம், உயிா் சேதம் ஏற்படாமல் தவிா்க்கவும், குறைக்கவும் அனைத்து சாா்நிலை அலுவலா்களும் ஒருங்கிணைந்து செயல்பட வேண்டும். அனைத்து துறை அலுவலா்கள் எந்த நேரத்திலும் தயாா் நிலையில் இருக்க வேண்டும் என்றாா்.
மாவட்ட வருவாய் அலுவலா் எம். ஜெயச்சந்திரன், ஊரக வளா்ச்சித் திட்ட முதன்மை இயக்குநா் ஜி. லோகநாயகி, நோ்முக உதவியாளா் சுரேஷ் உள்ளிட்டோா் கலந்துகொண்டனா்.