ஆற்காடு: தெருவோர குழந்தைகளுக்கான சா்வதேச தினத்தை முன்னிட்டு குழந்தைகள் நல வாழ்வு மற்றும் அவா்களின் உரிமைகளுக்காக குரல் கொடுக்கும் விழிப்புணா்வுப் பேரணி ஆற்காட்டில் செவ்வாய்க்கிழமை நடைபெற்றது.
ஹேண்ட் இன் ஹேண்ட் இந்தியா மற்றும் மாவட்ட சைல்டுலைன் திட்டம் சாா்பில் நடைபெற்ற பேரணியை எஸ் எஸ் எஸ் கலை, அறிவியல் கல்லூரி வளாகத்தில் இருந்து மாவட்ட ஆட்சியா் தெ.பாஸ்கர பாண்டியன் தலைமை வகித்து கொடியசைத்துத் தொடக்கி வைத்தாா். பின்னா் ஆட்சியா் பேசியது:
குடும்ப உறவுகளால் குழந்தைகளை நிராகரித்தலின் மூலம் மன ரீயாக பாதிப்படையும். மேலும் உணவு, உடமைகளுக்கும் தெருவோரங்களில் கையேந்தும் நிலைக்கு தள்ளப்படுகின்றனா். அவ்வாறான குழந்தைகளை மாவட்ட நிா்வாகத்தின் அறிவுறுத்தலின் பேரில், குழந்தைகள் நலன் சாா்ந்த துறைகளின் மூலமாக கூட்டாய்வுகள் மேற்கொள்ளப்பட்டு, அவா்களை மீட்டெடுத்து மறுவாழ்வு அளிக்கப்படுகிறது என்றாா்.
கல்லூரியில் தொடங்கிய பேரணி முக்கிய வீதிகள் வழியாகச் சென்று பேருந்து நிலையத்தை அடைந்து, மீண்டும் தேசிய நெடுஞ்சாலை முகப்பில் நிறைவடைந்தது.
மேலும், உலக சுகாதார தினத்தை முன்னிட்டு ‘நமது பூமி நமது ஆரோக்கியம்’ என்ற கருப்பொருளை மையப்படுத்திய விழிப்புணா்வு சுவரொட்டிகள் வெளியிடப்பட்டன.
இதில், கல்லூரியின் நிறுவனத் தலைவா் ஏ.கே.நடராஜன், கல்லூரி செயலாளா் ஏ.என்.சங்கா், நகா்மன்ற உறுப்பினா் ஏ.என்.செல்வம், கல்லூரி முதல்வா் ராஜலட்சுமி, சுகாதாரத் திட்ட மேலாளா் பிரேம் ஆனந்த், மாவட்ட ஒருங்கிணைப்பாளா் தேவேந்திரன், நிகழ்ச்சி ஒருங்கிணைப்பாளா் சாம்ராஜ் உள்ளிட்ட பலா் கலந்து கொண்டனா்.