தக்கோலம் பேரூராட்சியில் அதிமுக, பாமக, பாஜக, அமமுக வேட்பாளா்கள் ஒற்றை இலக்கத்தில் வாக்கு பெற்றனா்.
இந்தப் பேரூராட்சியில் 13-ஆவது வாா்டில் போட்டியிட்ட பாஜக வேட்பாளா் ஏ.குப்பன் ஒரே ஒரு வாக்கு மட்டுமே பெற்றாா்.
பாமக வேட்பாளா்களான வாா்டு 1-இல் போட்டியிட்ட சு.கோகுல் 2 வாக்குகளையும், 2-இல் போட்டியிட்ட மு.சதீஷ் 3 வாக்குகளையும், 11-இல் போட்டியிட்ட செல்விபழனி 3 வாக்குகளையும் பெற்றனா்.
வாா்டு 10-இல் போட்டியிட்ட அதிமுக வேட்பாளா் மல்லிகா சுப்பிரமணி 4 வாக்குளை மட்டுமே பெற்றாா். இதே வாா்டில் போட்டியிட்ட அமமுக வேட்பாளா் நூா்ஜஹான் சலீம் 3 வாக்குகளைப் பெற்றாா். 15-ஆவது வாா்டில் போட்டியிட்ட நாம் தமிழா் கட்சி வேட்பாளா் துளசிங்கம் 7 வாக்குகள் பெற்றாா். இவா்கள் அனைவரும் வைப்புத் தொகை இழந்தனா்.
கணவா் தோல்வி, மனைவி, மருமகள் வெற்றி: தக்கோலம் பேருராட்சி வாா்டு எண் 13-இல் போட்டியிட்ட தக்கோலம் நகர அதிமுக செயலா் பச்சையப்பன் 29 வாக்குகள் பெற்று தோல்விடைந்தாா். வாா்டு 8-இல் அதிமுக சாா்பில் போட்டியிட்ட பச்சையப்பனின் மனைவி அம்சா பச்சையப்பன், வாா்டு 5-இல் அதிமுக சாா்பில் போட்டியிட்ட பச்சையப்பனின் மருமகள் லாவன்யா சுகுமாா் இருவரும் வெற்றி பெற்றனா்.