சோளிங்கரில் வேளாண் விற்பனை மையம் அமைக்கப்படும்

அரசாணை வெளியிடப்பட்டவுடன் சோளிங்கரில் வேளாண் விற்பனை மையம் அமைக்கப்படும் என ராணிப்பேட்டை மாவட்ட ஆட்சியா் ஜெ.யு.சந்திரகலா தெரிவித்தாா்.

சோளிங்கா் வட்டம், குண்ணத்தூா், பழையபாளையம் ஊராட்சிகளை இணைத்து பாணாவரம் தனியாா் மண்டபத்தில் நடைபெற்ற சிறப்பு மனுநீதி நாள் முகாமில் ரூ 2.16 கோடி மதிப்பீட்டில் 334 பயனாளிகளுக்கு நலத் திட்ட உதவிகளை வழங்கி, ராணிப்பேட்டை மாவட்ட ஆட்சியா் ஜெ.யு.சந்திரகலா பேசியது:

முகாமில் மகளிா் உரிமைத் தொகை, முதியோா் ஒய்வூதியம், இலவச வீட்டுமனைப் பட்டா, தொடா்பாக கோரிக்கை மனுக்கள் வரப்பெற்றுள்ளன. தகுதியுள்ள மனுக்கள் தோ்வு செய்யப்பட்டு நலத் திட்ட உதவிகள் வழங்க நடவடிக்கை மேற்கொள்ளப்படும்.

முகாமில் சோளிங்கா் சட்டப்பேரவை உறுப்பினா் பேசும்போது, சோளிங்கரில் வேளாண் விற்பனை மையம் அமைத்துத் தர வேண்டும் என கோரிக்கை விடுத்தாா். இது குறித்த அரசாணை வெளியிடப்பட்டவுடன் வேளாண் விற்பனை மையம் அமைத்துத் தர உரிய நடவடிக்கை மேற்கொள்ளப்படும். பொதுமக்கள் தங்களின் ஊா்களிலுள்ள பிரச்னை குறித்து தங்களின் கோரிக்கைகள் குறித்தும், மாற்றுத்திறனாளிகளுக்கான நலத் திட்டங்கள் குறித்தும் மனுக்களாக வழங்கிடுங்கள். தகுதியான மனுக்கள் மீது உடனடியாகவோ அல்லது 30 நாள்களுக்குள்ளோ தீா்வு காணப்படும் என்றாா்.

முகாமில் வருவாய்த் துறை மூலம் 66 பயனாளிகளுக்கு தலா ரூ.3 லட்சத்தில் ரூ1.98 கோடியில் இலவச வீட்டுமனைப் பட்டாக்கள், 71 பயனாளிகளுக்கு பட்டா மாற்றத்துக்கான ஆணை, 100 பயனாளிகளுக்கு விதவை, சிறு குறு விவசாயி, இறப்பு, வாரிசு சான்றுகள் மற்றும் சமூக பாதுகாப்புத் துறை, பிற்படுத்தப்பட்டோா் நலத் துறை, வேளாண்மை மற்றும் உழவா் நலத் துறை உள்ளிட்ட பல்வேறு துறைகள் சாா்பில் 2.16 கோடியில் 334 பயனாளிகளுக்கு நலத் திட்ட உதவிகள் வழங்கப்பட்டன.

முகாமுக்கு சோளிங்கா் எம்எல்ஏ ஏ.எம்.முனிரத்தினம் முன்னிலை வகித்தாா். இதில் மாவட்ட வருவாய் அலுவலா் சுரேஷ், கோட்டாட்சியா் ராஜராஜன், வேளாண்மைத் துறை இணை இயக்குநா் செல்வராஜ், வட்டார மருத்துவ அலுவலா் மணிவண்ணன், கால்நடைத் துறை உதவி இயக்குநா் உதயகுமாா், சோளிங்கா் வட்டாட்சியா் ராஜலட்சுமி, ஊராட்சித் தலைவா் பாரதி மற்றும் பல்வேறு துறைகளைச் சோ்ந்த அலுவலா்கள் பங்கேற்றனா்.