அரக்கோணத்தில் நமக்கு நாமே திட்டத்தில் சாலை சீரமைப்புப் பணி: நகா்மன்றத் தலைவா் ஆய்வு

அரக்கோணம் நகரில் நமக்கு நாமே திட்டத்தில் 16-ஆவது வாா்டில் நடைபெற்றுவரும் சாலை சீரமைப்புப் பணிகளை நகா்மன்றத் தலைவா் லட்சுமிபாரி நேரில் பாா்வையிட்டு ஆய்வு செய்தாா்.

அரக்கோணம் நகராட்சிக்குட்பட்ட 16-ஆவது வாா்டு சுப்பராயன் தெருவில் கடந்த முறை சிமென்ட் சாலை அமைக்கப்பட்டபோது, அப்பகுதியில் சாலை சரிவர அமைக்கப்படாததால் அப்பகுதியில் எப்போதும் மழைநீா் தேங்கி போக்குவரத்துக்கு பாதிப்பான நிலை உருவாகும் நிலை இருந்ததாகக் கூறப்படுகிறது. அச்சாலையில் ஏற்கனவே சிமென்ட் சாலை அமைக்கப்பட்ட நிலையில், ஒரு முறை சிமென்ட் சாலை அமைக்கப்பட்டால் அடுத்த 10 வருடத்துக்கு அங்கு வேறு சாலைப் பணிகள் நடைபெறக் கூடாது என அரசு அறிவுரை உள்ள நிலையில், அப்பகுதியில் மீண்டும் சாலை போடும் பணி நடைபெறாத நிலை நீடித்தது.

இதையடுத்து, அப்பகுதி திமுக வட்டச் செயலாளா் ஏ.கே.பாரி தனது சொந்தநிதி ரூ. 2.10 லட்சத்தை அரசுக்கு செலுத்தி, நமக்கு நாமே திட்டத்தில் சுப்பராயன் தெருவை சீா் செய்ய விண்ணப்பித்தாா். இதை ஏற்ற நகராட்சி நிா்வாகத் துறை அரசு நிதி ரூ. 4.20 லட்சத்தை அளித்து அப்பகுதியில் பேவா் பிளாக் சாலை அமைக்க உத்தரவிட்டுள்ளது. இப்பணிகள் தற்போது நடைபெற்று வருகின்றன.

இப்பணிகளை அரக்கோணம் நகா்மன்றத் தலைவா் லட்சுமி பாரி ஆய்வு செய்தாா். அவருடன் நகராட்சி ஆணையா் ஜி.ஆனந்தன், பொதுப்பணி மேற்பாா்வையாளா் எஸ்.பிரேம்சந்தா், தெருவாசிகளான மருந்து வணிகா் சங்க நிா்வாகி வெங்கடரமணன், தமிழ் படைப்பாளா்கள் சங்க நிா்வாகிகள் சுந்தர்ராஜ், ரோட்டரி சங்க நிா்வாகி பிரபாகரன், ஒப்பந்ததாரா் பத்மநாபன் உள்ளிட்டோா் உடன் இருந்தனா்.