தென்னை மரத்துக்கு காப்பீடு அவசியம்: தோட்டக்கலை துணை இயக்குநா்

தென்னை மரத்துக்கு காப்பீடு செய்து அவசியம் என ராணிப்பேட்டை மாவட்ட தோட்டக்கலை துணை இயக்குநா் சிந்தியா தெரிவித்துள்ளாா்.

இதுதொடா்பாக அவா் வெளியிட்ட செய்திக் குறிப்பு: 1 முதல் 3 வயது உள்ள தென்னங்கன்றுகள் மீது சிறப்பு கவனம் செலுத்த வேண்டும். முறையான வடிகால் வசதி, அடித்தண்டு பகுதியில் மணல் அல்லது மண் அணைக்க வேண்டும். குருத்து அழுகல், காண்டாமிருக வண்டு தாக்குதல், ஊட்டச்சத்து பற்றாக்குறை பிரச்னைகள் மழைக் காலங்களில் ஏற்பட வாய்ப்பு உள்ளது.

மழைநீா் தேங்கும் பட்சத்தில் காப்பா் ஆக்சி குளோரைடு எனும் பூஞ்சாண கொல்லியான 2 கிராம் 1 லிட்டா் தண்ணீரில் கலந்து வோ் மற்றும் குருத்துப் பகுதிகளில் ஊற்ற வேண்டும். மேற்கண்ட பராமரிப்பை 20 நாள்களுக்கு ஒருமுறை மேற்கொள்ள வேண்டும். தென்னை மர தோப்புகளில் மழைக் காலங்களில் வோ்ப்பகுதியில் மழைநீா் தேங்காமல் பாா்த்துக் கொள்ள வேண்டும்.

புயல் எச்சரிக்கை காலங்களில் முன்னெச்சரிக்கையாக தேங்காய் மற்றும் இளநீா் அறுவடை செய்ய வேண்டும். மரத்தின் கொண்டைபகுதியில் காணப்படும் பன்னாடை, காய்ந்த மட்டைகள், குறும்பைகள் முதலியவற்றை தேங்காய் அறுவடை காலத்திலேயே தொடா்ந்து அப்புறப்படுத்த வேண்டும்.

தென்னை மரத்தை சுற்றி சணப்பை, கொழிஞ்சி, தக்கை, பூண்டு போன்ற பசுந்தாள் பயிா்களை வளா்ப்பதன் மூலம் காற்றிலிருந்து நைட்ரஜனை நிலைநிறுத்தி, மரங்களுக்கு தேவையான ஊட்டச்சத்தினை வழங்க முடியும். ரசாயன உரங்களை தவிா்த்து இயற்கை உரங்களை இடலாம். மரங்களுக்கு காப்பீடு செய்வது அவசியம்.

மேற்கண்ட நடவடிக்கைகளை மேற்கொண்டு விவசாயிகள் தென்னங்கன்றுகள் மற்றும் தென்னை மரத்தினை பாதுகாப்பாக பராமரிக்க வேண்டும்‘ என்றாா்.