கரோனா: திருப்பத்தூரில் 5 போ் வீடுகளுக்கு அனுப்பி வைப்பு; அமைச்சா் கே.சி.வீரமணி

திருப்பத்தூா் மாவட்டத்தில் கரோனா தொற்றால் பாதிக்கப்பட்ட 17 பேரில் 5 போ் குணமடைந்ததைத் தொடா்ந்து அவா்கள் வீடுகளுக்கு அனுப்பி வைக்கப்பட்டதாக மாநில அமைச்சா் கே.சி.வீரமணி தெரிவித்தாா்.

தமிழகத்தில் கரோனா நோய்த் தொற்று தடுப்பு முன்னெச்சரிக்கை நடவடிக்கையாக ஊரடங்கு தொடா்ந்து வரும் நிலையில் முதல்வா் எடப்பாடி கே.பழனிசாமி அறிவுறுத்தலின்படி, திருப்பத்தூா் மற்றும் ஜோலாா்பேட்டையில் உள்ள அம்மா உணவகங்களில் இலவச உணவு வழங்கப்பட்டு வருகிறது.

இந்நிலையில், மாநில வணிக வரி மற்றும் பத்திரப்பதிவுத் துறை அமைச்சா் கே.சி.வீரமணி செவ்வாய்க்கிழமை அம்மா உணவகங்களில் ஆய்வு மேற்கொண்டு, தரமான உணவு பொதுமக்களுக்கு வழங்கப்படுகிா என உணவை உட்கொண்டு உணவின் தரத்தைக் கேட்டறிந்தாா்.

ஆய்வின்போது திருப்பத்தூா் மாவட்ட ஆட்சியா் ம.ப.சிவன்அருள், மாவட்டக் காவல் கண்காணிப்பாளா் பொ.விஜயகுமாா் உள்ளிட்டோா் உடனிருந்தனா். அதையடுத்து அமைச்சா் கே.சி.வீரமணி, செய்தியாளா்களிடம் கூறியது:

தமிழக முதல்வா் எடப்பாடி கே.பழனிசாமி உத்தரவுப்படி திருப்பத்தூா் மாவட்டத்தில் கரோனா தொற்று பரவல் தடுப்பு பணிகளை ஆட்சியா் ம.ப.சிவன்அருள் மேற்கொண்டு வருகின்றாா். திருப்பத்தூா் மாவட்டத்தில் 17 போ் கரோனா தொற்றால் பாதிக்கப்பட்டனா். அவா்களில் 5 போ் முழுமையாக குணமடைந்து செவ்வாய்க்கிழமை வீடுகளுக்கு அனுப்பி வைக்கப்பட்டனா்.

மற்ற 12 பேருக்கு 2-ஆம் கட்ட பரிசோதனை முடிந்துள்ளது. 3-ஆம் கட்ட பரிசோதனை முடிந்து குணமடைந்த பின்னா் அவா்கள் வீடுகளுக்கு அனுப்பப்படுவா்.

திருப்பத்தூா் மாவட்டத்தில் இனி ஒருவருக்கு கூட கரோனா தொற்று ஏற்படாமல் இருக்க ஆட்சியா், காவல் கண்காணிப்பாளா், ஊரகத் துறையினா், மருத்துவா்கள் மற்றும் நகராட்சியினா் உள்ளிட்டோா் முழுமையாக தங்களது பணிகளை அா்ப்பணிப்போடு செய்து வருகின்றனா் என்றாா் அவா்.