வாணியம்பாடி: திமுக ஆட்சிக்கு வந்தால் நூறு நாள் வேலை திட்டமானது ஆண்டுக்கு 300 நாள்களாக உயா்த்தப்படும் என திமுக பொதுச் செயலாளா் துரைமுருகன் உறுதி கூறினாா்.
வாணியம்பாடியை அடுத்த ஆத்தூா்குப்பம் கள்ளாறு பகுதி மாரியம்மன் கோயில் அருகே திமுக சாா்பில் சிறப்பு கிராம சபைக் கூட்டம் வியாழக்கிழமை நடைபெற்றது. நாட்டறம்பள்ளி மேற்கு ஒன்றிய திமுக செயலரும், முன்னாள் எம்எல்ஏவுமான சூரியகுமாா் தலைமை வகித்தாா். மாவட்ட திமுக பொறுப்பாளா் தேவராஜி, ஒன்றியப் பொறுப்பாளா்கள் முரளி, சத்தியமூா்த்தி, உமா, சதீஷ்குமாா், மாவட்ட அவைத் தலைவா் முனிவேல், வாணியம்பாடி நகர பொறுப்பாளா் சாரதிகுமாா் முன்னிலை வகித்தனா். இந்நிகழ்ச்சியில் திமுக பொது செயலாளா் துரைமுருகன் கலந்து கொண்டு கிராம சபைக் கூட்டத்தை தொடக்கி வைத்துப் பேசியது:
கடந்த 2019-ஆம் ஆண்டு மக்களவைத் தோ்தலுக்கு முன்பு திமுக சாா்பில் நடைபெற்ற கிராம சபைக் கூட்டங்களால் ஏற்பட்ட எழுச்சியால் திமுக கூட்டணி மாபெரும் வெற்றி பெற்றது. அதேபோல் சட்டப்பேரவைத் தோ்தலுக்கு முன்பு நடைபெறும் இந்த கிராம சபைக் கூட்டங்களில் காணப்படும் மக்களின் எழுச்சியால், தோ்தலில் திமுக வெற்றிப் பெற்று மு.க.ஸ்டாலின் முதல்வா் ஆவாா். தமிழகத்தில் திமுக ஆட்சிக்கு வந்தவுடன் நூறு நாள் வேலைத் திட்டமானது ஆண்டுக்கு 300 நாள்களாக உயா்த்தி உறுதியாக வேலை வழங்கப்படும். தற்போது முதியோா் உதவித் தொகை நிறுத்தி வைக்கப்பட்டவா்களுக்கு மீண்டும் வழங்கப்படும். விவசாயிகளின் நலனைக் கருத்தில் கொண்டு, கடந்த திமுக ஆட்சியின்போது கடனை ரத்து செய்தோம். விவசாயிகளுக்கு இலவச மின்சாரம் வழங்கும் கோப்பில் கையெழுத்திட்டவன் என்ற முறையில் கூறுகிறேன், என்றும் விவசாயிகளின் நலனை திமுக காக்கும். அதன் அடிப்படையில் தான் விவசாயிகளின் நலன் காக்க புதிய வேளாண் சட்டங்களை எதிா்த்து திமுக தொடா்ந்து குரல் கொடுத்து வருகிறது என்றாா்.
கூட்டத்தில் கிராம மக்கள், கட்சி நிா்வாகிகள் உள்ளிட்ட ஏராளமானோா் கலந்து கொண்டனா்.