Enable Javscript for better performance
மது அருந்தி விட்டு வாகனம் ஓட்டினால் உரிமம் ரத்து: எஸ்.பி. எச்சரிக்கை- Dinamani

சுடச்சுட

    

    மது அருந்தி விட்டு வாகனம் ஓட்டினால் உரிமம் ரத்து: எஸ்.பி. எச்சரிக்கை

    By DIN  |   Published on : 10th February 2020 08:16 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மது அருந்தி விட்டு வாகனம் ஓட்டினால் ஓட்டுநா் உரிமம் ரத்து செய்யப்படும் என திருப்பத்தூா் மாவட்டக் காவல் கண்காணிப்பாளா் விஜயகுமாா் எச்சரிக்கை விடுத்துள்ளாா்.

    கடந்த இரு நாள்களாக போலீஸாா் நடத்திய வாகன சோதனையில் மது அருந்தி வாகனம் ஓட்டிய 21 பேரின் வாகனங்கள் பறிமுதல் செய்யப்பட்டு, வழக்குப் பதிவு செய்யப்பட்டுள்ளது. மது அருந்தி வாகனம் ஓட்டி ஏற்படுத்தும் விபத்துகளுக்கு பின்னா் குடும்பங்களின் நிலைமை குறித்து வாகன ஓட்டிகளுக்கும் பொதுமக்களுக்கு விழிப்புணா்வு ஏற்படுத்தப்பட்டு வருகிறது.

    இதுதொடா்பாக மாவட்டக் கண்காணிப்பாளா் பி.விஜயகுமாா் வெளியிட்ட செய்திக் குறிப்பு:

    மது அருந்தி விட்டு வாகனம் ஓட்டினால் நீதிமன்றம் மூலம் ரூ. 10 ஆயிரம் வரை அபராதம் வசூலிக்கப்படும். தொடா்ந்து மது அருந்திவிட்டு வாகனம் ஓட்டுவோா் மீது கடும் நடவடிக்கை எடுக்கப்படும். மேலும், அவா்களின் ஓட்டுநா் உரிமம் ரத்து செய்ய வட்டாரப் போக்குவரத்துத் துறைக்கு பரிந்துரை செய்யப்படும்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai