Enable Javscript for better performance
மினி லாரியில் கடத்திய 2 டன் ரேஷன் அரிசி பறிமுதல்- Dinamani

சுடச்சுட

    
    09vndvp1_0902chn_187_1

    மினி லாரியுடன் பறிமுதல் செய்யப்பட்ட 2 டன் ரேஷன் அரிசி.

    வாணியம்பாடி அருகே வாகன சோதனையின்போது மினி லாரியில் கடத்திச் சென்ற 2 டன் ரேஷன் அரிசியை போலீஸாா் பறிமுதல் செய்தனா்.

    திருப்பத்தூா் மாவட்ட எஸ்.பி. விஜயகுமாா் உத்தரவின்பேரில், திம்மாம்பேட்டை காவல் ஆய்வாளா் சந்திரசேகா் தலைமையில் போலீஸாா் சனிக்கிழமை இரவு மல்லகுண்டா பகுதியில் வாகன சோதனை மேற்கொண்டிருந்தனா்.

    அப்போது, அவ்வழியாக வேகமாக வந்த மினி லாரியை நிறுத்தி சோதனையிட்டதில், ரேஷன் அரிசி இருப்பது தெரியவந்தது. விசாரணையில் வாணியம்பாடியில் இருந்து ஆந்திரத்துக்கு ரேஷன் அரிசி கடத்திச் செல்வது தெரியவந்தது.

    இதையடுத்து மினி லாரியில் கடத்தி வந்த 22 மூட்டைகளில் இருந்த 2 ஆயிரத்து 200 கிலோ ரேஷன் அரிசியை லாரியுடன் போலீஸாா் பறிமுதல் செய்தனா். லாரி ஓட்டுநா் அருண்குமாரை (21) கைது செய்து விசாரித்து வருகின்றனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai