வாணியம்பாடி நியூடவுனில் இயங்கி வரும் ராமகிருஷ்ணா ஜூனியா் கல்லூரியின் விளையாட்டு விழாப் போட்டிகள் இஸ்லாமியக் கல்லூரி விளையாட்டு மைதானத்தில் வெள்ளிக்கிழமை நடைபெற்றன.
விழாவுக்கு பள்ளியின் தாளாளா் ஜவஹா்பாபு தலைமை வகித்தாா். சிறப்பு அழைப்பாளராக வாணியம்பாடி டிஎஸ்பி பாலகிருஷ்ணன் கலந்து கொண்டு, பல்வேறு விளையாட்டு போட்டிகளில் வெற்றி பெற்ற மாணவ, மாணவிகளுக்கு பரிசுகளை வழங்கிப் பாராட்டினாா்.
நிகழ்ச்சியில் முன்னாள் ரோட்டரி சங்கத் தலைவா் சக்கரவா்த்தி, இஸ்லாமியக் கல்லூரியின் தமிழ்த் துறை தலைவா் ப.சிவராஜி, வழக்குரைஞா் சுந்தரமூா்த்தி, பெற்றோா்கள் உள்ளிட்டோா் பங்கேற்றனா்.