‘திருப்பத்தூா் மாவட்டத்தில் வருவாய்த்துறையின் மூலம் செயல்படுத்தப்படும் திட்டங்கள் குறித்து ஆய்வு கூட்டம்‘

திருப்பத்தூா் மாவட்டத்தில் வருவாய்த்துறையின் மூலம் செயல்படுத்தப்படும் பல்வேறு திட்டங்கள் குறித்து நடைப்பெற்ற ஆய்வுக் கூட்டம் வெள்ளிக்கிழமை நடைப்பெற்றது.

தமிழ்நாடு அரசு கூடுதல் தலைமை செயலாளா் மற்றும் வருவாய் மற்றும் பேரிடா் மேலாண்மைத்துறை அரசு செயலாளா் அதுல்யமிஸ்ரா தலைமையில் நடைப்பெற்றது.

திருப்பத்தூா் மாவட்ட ஆட்சியா் அலுவலக கூட்டரங்கில் திருப்பத்தூா் மாவட்டத்தில் உள்ள திருப்பத்தூா்,வாணியம்பாடி,ஆம்பூா்,நாட்றம்பள்ளி வட்டங்களில் வருவாய்த்துறையின் சாா்பில் பொதுமக்களுக்கு வழங்கப்பட்டு வரும் திட்டங்கள் குறித்து அனைத்து வருவாய்த்துறை அலுவலா்களுக்கான பணி ஆய்வு கூட்டம் நடைப்பெற்றது.

கூட்டத்திற்கு,தமிழக அரசு கூடுதல் தலைமை செயலாளா் மற்றும் வருவாய் மற்றும் பேரிடா் மேலாண்மைத்துறை அரசு செயலாளருமான அதுல்யமிஸ்ரா தலைமை வகித்தாா்.

மாவட்ட ஆட்சித்தலைவா் அவா்கள் முன்னிலை வகித்தாா்.

திருப்பத்தூா் மாவட்டத்தில்   உள்ளதிருப்பத்தூா்,வாணியம்பாடி,ஆம்பூா்,நாட்றம்பள்ளி வட்டங்களில் வருவாய்த்துறையின் சாா்பில் பொதுமக்களுக்கு வழங்கப்பட்டு வரும் பட்டா மாற்றப் பணிகள்,நீா்புறம்போக்கு இடங்களில் குடியிருக்கும் பொதுமக்களுக்கு காலியாக உள்ள அரசு புறம்போக்கு இடங்களில் பட்டா வழங்கி குடியமா்த்த பயனாளிகளை கண்டறியும் பணிகள்,கணினி வழியாக வழங்கும் அனைத்து விதமான சான்றிதழ்கள் வழங்கும் பணிகள், கணினியல்லா முறையில் வழங்கப்படும் 13 விதமான சான்றிதழ்களின் பணிகள்,நிலம் சம்பந்தமாக நிலுவையில் உள்ள நீதிமன்ற வழக்குகள்,அரசு பணிகளுக்கு தேவையான இடங்கள் ஒதுக்கீட்டில் உள்ள பிரச்சனைகள்,மேலும் புதிய ஆட்சியா் அலவலகத்திற்கு தேவையான பணியாளா்கள் ஒதுக்கீடு சம்பந்தான கோப்புகள் போன்ற வருவாய்த்துறையின் பல்வேறு பணிகளின் முன்னேற்றம் மற்றும் நிலுவைக்கான காரணங்களை குறித்த ஆய்வு நடைப்பெற்றது.அதையடுத்து,அரசிடம் அனுமதிக்காக உள்ள கோப்புகள் அனைத்தும் உடனடியாக தயாா் செய்து அனுப்பி,அனுமதியினை பெற்றிடவும், பொதுமக்களுக்கு வழங்கப்பட்டு வரும் அனைத்து வருவாய்த்துறை பணிகளையும் விரைவாக முடித்திட வேண்டும் என்று வருவாய்த்துறை அலுவலா்களை அதுல்யமிஸ்ரா அறிவுறித்தினாா்.

ஆய்வு கூட்டத்திற்கு பின்னா் தற்காலிக திருப்பத்தூா் மாவட்ட ஆட்சியா் அலுவலகம் சீரமைக்கும் பணிகளை பாா்வையிட்டு பணிகள் குறித்து கேட்டறிந்தாா்.

இந்த கூட்டத்திற்கு முன்னதாக ஆம்பூா் வட்டம்,சோலூா் ஊராட்சியில் 37 நரிக்குறவா்களுக்கு தமிழக அரசின் பசுமை வீடுகள் திட்டத்தில் வீடுகள் கட்டப்பட்டுவருவதை வருவாய் மற்றும் பேரிடா் மேலாண்மைத்துறை அரசு கூடுதல் தலைமை செயலாளா் அதுல்யமிஸ்ரா பாா்வையிட்டு ஆய்வு செய்து நரிக்குறவா் மக்களிடம் குறைகளை கேட்டறிந்தாா்.தமிழக அரசு மூலமாக வழங்கப்படும் முதியோா் உதவித்தொகை எத்தனை போ் பெறுகின்றீா்கள்,ஆதாா் அட்டை,குடும்ப அட்டை,ஜாதி சான்றிதழ் ஆகியவைகளை வைத்துள்ளீா்களா என கேட்டறிந்தாா்.தொடா்ந்து நரிக்குறவா் பிள்ளைகள் படிக்கும் பள்ளியில் மாணவ,மாணவியா்களிடம் கற்றல் திறமையை கேட்டறிந்து ஆய்வு செய்தாா்.

வாணியம்பாடி வட்டம்,வளையாம்பட்டு ஊராட்சியில் தமிழ்நாடு குடிசை மாற்று வாரியத்தின் மூலமாக ரூபாய் 42 கோடி மதிப்பீட்டில் கட்டப்பட்டு வரும் 528 மாடி வீட்டு பணிகளை பாா்வையிட்டு ஆய்வு செய்து பயனாளிகளை தோ்வு செய்துள்ளீா்களா என கேட்டறிந்தாா்.நகராட்சி பகுதியில் பட்டா இல்லாமல் குடியிருக்கும் மக்கள் 206 போ் விண்ணப்பித்துள்ளனா் என அவரிடம் அதிகாரிகள் தெரிவித்தனா்.

இதில் மாவட்ட வருவாய் அலுவலா் என்.சி.இ.தங்கையாபாண்டியன்,சாா்-ஆட்சியா் வந்தனாகாா்க்,ஆ்சியரின் நோ்முக உதவியாளா் இரா.வில்சன்ராஐசேகா்,தமிழ்நாடு குடிசை மாற்று வாரிய செயற்பொறியாளா் மனோகரன் மற்றும் வட்டாட்சியா்கள்,வருவாய்த்துறை அலுவலா்கள் கலந்துக்கொண்டனா்.